NEET ساناتىنداعى جاستار - جۇمىسسىز جانە ەش جەردە وقىمايدى. ولاردى الەۋمەتتەندىرۋ ءۇشىن جاۋاپتى باسقارما بىرقاتار شارانى ىسكە اسىرىپ جاتىر. ونىڭ ىشىندە:
- مەملەكەتتىك باعدارلامالار تۋرالى اقپاراتتىق بۋكلەتتەر تاراتىلادى;
- جۇمىسسىز جاستار مەن ءبىلىم بەرۋ مەكەمەلەرىنىڭ تۇلەكتەرىنە توقسان سايىنعى بوس جۇمىس ورىندار جارمەڭكەسىندە ءتۇرلى جۇمىستار ۇسىنىلادى.
«وسى ۋاقىتقا دەيىن ولار «جاستار» سارايىندا ل.ن. گۋميلەۆ اتىنداعى ەۇۋ-دا جانە ەسىل ۋنيۆەرسيتەتىندە ءوتتى. كەلەسى بوس جۇمىس ورىندارى جارمەڭكەسى 24 قازانعا جوسپارلانعان. «Freelance مۇمكىندىك» جوباسى اياسىندا تارگەتولوگ, SMM, ۆيدەوگراف, ماركەتپلەيس, موبيلوگراف, گرافيكالىق ديزاينەر جانە ۆەب-ديزاينەر سياقتى تسيفرلىق ماماندىقتار وقىتىلادى», دەدى قايرات قامباروۆ.
سونداي-اق استانادا جاستارعا قىزمەت كورسەتۋ ورتالىقتارى مەن «بارشاعا مۇمكىندىك» مودۋلدىك پۋنكتەرى جۇمىس ىستەيدى. بۇل پۋنكتەردە ەلوردا تۇرعىندارى جۇمىس جانە تسيفرلىق داعدىلاردى يگەرۋ ماسەلەلەرى بويىنشا تەگىن كەڭەس, سونداي-اق مەملەكەتتىك قولداۋ شارالارى مەن جۇمىسقا ورنالاسۋ مۇمكىندىكتەرى تۋرالى اقپارات الا الادى.
«كەلەسى جىلى وسى باعىتتاعى جۇمىستى كۇشەيتىپ, كوپتەگەن جوبالاردى جۇزەگە اسىرۋ جوسپارلانىپ وتىر», دەپ قورىتىندىلادى سپيكەر.
