akorda.kz
«كەزدەسۋ بارىسىندا ەكونوميكالىق ىنتىماقتاستىقتى ودان ءارى نىعايتۋ, سونىڭ ىشىندە قارجىلىق ساقتاندىرۋ سالاسىندا بىرلەسكەن جوبالاردى ازىرلەۋ, تاجىريبە الماسۋ جانە وقۋ باعدارلامالارىن ۇيىمداستىرۋ مۇمكىندىكتەرى قاراستىرىلدى. مەملەكەت باسشىسى Euler Hermes اگەنتتىگىنىڭ قازاقستان ءۇشىن ماڭىزدى سەرىكتەس ەكەنىنە نازار اۋداردى. كومپانيا كرەديتتى ساقتاندىرۋ ىسىندە جاھاندىق كوشباسشى سانالادى جانە كەشەندى قارجىلىق شەشىمدەر جاسايتىن الەمدەگى ەڭ ءىرى كومپانيالاردىڭ ءبىرى – Allianz Group توبىنىڭ قۇرامىنا كىرەدى. قاسىم-جومارت توقاەۆقا قازاقستان دامۋ بانكى مەن Helaba بانكى اراسىندا قارجىلىق ىنتىماقتاستىق تۋرالى كەلىسىمگە قول قويىلعانى جونىندە مالىمەت بەرىلدى», دەلىنگەن حابارلامادا.
وسى كەلىسىم بويىنشا الداعى ۋاقىتتا AltynAlmas Reagents كومپانياسىنىڭ تسيانيد ناتري وندىرەتىن حيميالىق زاۋىت سالۋ ءۇشىن 100 ميلليون ەۋرو ءبولۋ شارۋاسى جۇزەگە اسىرىلادى.
