فوتو: تۋريزم جانە سپورت مينيسترلىگى
اسەم ورىنباي مەن ەدۋارد ەششەنكو ستەندتىك اتۋ ءتۋرنيرىنىڭ ارالاس جۇپتىق سايىسىندا التىننان القا تاقتى. «سكيت» جاتتىعۋىنىڭ فينالىندا قازاقستان سپورتشىلارى كۋۆەيتتەن كەلگەن قارسىلاستارىنان وزدى. قورىتىندى ەسەپ – 40:35
ايتا كەتسەك, بۇل ازياداداعى ەلىمىزدىڭ ۇلتتىق قۇراماسى ءۇشىن ءۇشىنشى التىن مەدال. ەستەرىڭىزگە سالايىق, كەشە اسەم ورىنباي, زويا كراۆچەنكو جانە ولگا پانارينادان جاساقتالعان قازاقستاننىڭ ايەلدەر كومانداسى «سكيت» جاتتىعۋىندا التىن مەدال جەڭىپ الىپ, ازيا ويىندارىنىڭ رەكوردىن ورناتتى. ال جەكەلەي سىندا اسەم ورىنباي قولا جۇلدەگە يە بولدى.
سپورتشىلاردى, جانكۇيەرلەردى جانە كوماندانىڭ جاتتىقتىرۋشىلار شتابىن اتالعان جەڭىسپەن قۇتتىقتاعان تۋريزم جانە سپورت ءمينيسترى ەرمەك مارجىقپاەۆ: «بۇكىل ەل مەرگەندەرىمىزبەن ماقتانادى. بۇل جەڭىس جەتكىنشەكتەردى وسى سپورت تۇرىمەن اينالىسۋعا شابىتتاندىراتىنىنا سەنىمدىمىن», دەدى.
