كەڭەستە حالىقارالىق بيزنەستى دامىتۋ ورتالىعىن قۇرۋ, ينۆەستيتسيالار تارتۋ, ينفراقۇرىلىم جۇرگىزۋ, ىسكەرلىك قىزمەت نىساندارىن سالۋ جونىندەگى شارالار, سونداي-اق بىرقاتار ۇيىمداستىرۋ ماسەلەسى قارالدى.
جۇرگىزىلىپ جاتقان جۇمىستار تۋرالى ۇلتتىق ەكونوميكا ءمينيسترى الىبەك قۋانتىروۆ پەن الماتى وبلىسىنىڭ اكىمى مارات سۇلتانعازيەۆ بايانداما جاسادى.
تالقىلاۋ قورىتىندىسى بويىنشا پرەمەر-مينيستر ۋاكىلەتتى مەملەكەتتىك ورگانعا بىرقاتار تاپسىرما بەردى.
ەسكە سالا كەتەيىك, تۇجىرىمداماعا سايكەس الماتى جانە قوناەۆ قالالارىنىڭ ارالىعىنداعى ينتەگراتسيالانعان G4 City قالاسى ءتورت اۋداننان تۇرادى: Gate – ىسكەرلىك جانە قارجىلىق ورتالىق, Golden – ءبىلىم بەرۋ جانە مەديتسينا سالالارى بويىنشا حابتار, Growing – ونەركاسىپتىك جانە لوگيستيكالىق حابتار, Green – تۋريستىك كلاستەر.
بيىل كوكتەمدە الماتى وبلىسىندا 2048 جىلعا دەيىن جالپى اۋدانى 30 مىڭ گا بولاتىن «G4 City» ارنايى ەكونوميكالىق ايماعى قۇرىلدى. بۇل ينتەگراتسيالانعان قالانى قۇرۋعا وتاندىق جانە شەتەلدىك ينۆەستيتسيالاردى تارتۋ ءۇشىن قولايلى كليماتتى قامتاماسىز ەتەدى.
