سونداي-اق اسكەري جۇرگىزۋشىلەر قىزمەتىنىڭ تيىمدىلىگىن ارتتىرۋ مەن ولاردى اسكەري قىزمەتكە بەكىتۋ, اسكەري ءبولىم بولىمشەلەرىنىڭ نەعۇرلىم كاسىبي دايىندالعان بتر ەكيپاجدارىن انىقتاۋ, سونداي-اق الدىڭعى قاتارلى بولىمشەلەردىڭ وڭ تاجىريبەسىن زەردەلەۋ دە نازاردان تىس قالمادى.
اۋەلى سىناق قۇرلىقتا اسكەري جۇك تەحنيكاسىن جۇرگىزۋ جانە بتر باسقارۋ بويىنشا جارىستار اقجار كەنتىنىڭ 6655 اسكەري ءبولىمىنىڭ اۆتودرومىندا ءوتتى. بايقاۋدىڭ شەشۋشى كەزەڭىنە ەلىمىزدىڭ تۇكپىر-تۇكپىرىنەن ۇلتتىق ۇلاننىڭ اسكەري قىزمەتشىلەرى قاتىستى, ونىڭ ىشىندە ءتورت وڭىرلىك قولباسشىلىق, ۇلتتىق ۇلان اكادەمياسى, سونداي-اق تىكەلەي باعىنىستاعى اسكەري بولىمدەر بولدى. ال بۇعان دەيىنگى بايقاۋدىڭ ىرىكتەۋ كەزەڭدەرى اسكەري بولىمدەر, وڭىرلىك قولباسشىلىقتار بازاسىندا وتكەن-ءدى. جارىس ءۇش كۇنگە سوزىلدى. باسىندا ۇلاندىقتار العاشقى مەديتسينالىق دايىندىق كورسەتۋ, اسكەري تەحنيكانىڭ تەحنيكالىق سيپاتتامالارىن ايتۋ جانە ونى پايدالانۋ, جول قوزعالىسىن رەتتەۋگە ارنالعان جولاۋشىلاردى قولدانۋ بويىنشا جارىستى, سونداي-اق ولاردىڭ جول قوزعالىسى ەرەجەلەرى تۋرالى بىلىمدەرى تەكسەرىلدى.
ال بايقاۋدىڭ ەكىنشى كۇنى قورعانىس مينيسترلىگىنىڭ 30238 اسكەري ءبولىمىنىڭ «العا» پوليگونىندا ءوتتى. قاتىسۋشىلار اتىس دايىندىعى بويىنشا پراكتيكالىق ساباقتار بارىسىندا جاۋىنگەرلىك ماشينالار قۇرامىندا اتۋ جاتتىعۋلارىن ورىندادى. ونىڭ ىشىندە اك-74 نىسانالارى, سونداي-اق بەلگىلەنگەن نىساندار بويىنشا نسۆ 12,7 مم ءىرى كاليبرلى پۋلەمەتتەن وق جاۋدىردى. سونىمەن قاتار ولار بتر-80 كولىگىندە وتىرىپ وزدەرىنىڭ تابەلدىك قارۋلارىمەن قوزعالمايتىن جانە قوزعالاتىن نىساندارعا وق جاۋدىردى.
جالپى, بايقاۋدىڭ ەڭ اسەرلى سايىستارى سوڭعى كۇنى بولدى. ەكيپاج مۇشەلەرى تانككە قارسى ارىق, جول كوپىرى, مينا-جارىلىس جولاعى, جالپى قورشاۋ, تىك ءتۇسۋ جانە كوتەرىلۋدى قامتيتىن ۇزىندىعى 5 كم-دەن اساتىن جولدا كەدەرگىلەردى ەڭسەرە وتىرىپ, پراكتيكالىق جۇرگىزۋدى كورسەتتى. بايقاۋعا توعىز برونەترانسپورتەر مەن 9 اسكەري «كاماز» جۇرگىزۋشىسى قاتىستى. جول بارلىعىنا بىردەي بولدى, تەك بتر كومانداسى ءالى دە ۇرىس الاڭىنان ءساتتى ءوتۋى كەرەك بولدى.
ستارتقا ءبىرىنشى بولىپ «كاماز» جۇرگىزۋشىلەرى شىقتى. بايقاۋعا ەكى كولىك ءبولىندى. ەكيپاجدار بىرىنەن سوڭ ءبىرى «سەگىز» سانىنا ۇقساس جولدى اينالىپ, تار جولدان دا وتكەن سوڭ, «جارىلعىش» مينالاردىڭ جانىنان ءوتىپ جارىستى. ناتيجەسىندە, ءۇش كۇندىك جارىستىڭ جەڭىمپازدارى دا انىقتالدى. ۇلتتىق ۇلاننىڭ ۇزدىك جۇرگىزۋشىسى بولىپ 6654 اسكەري بولىمىنەن كەلگەن اعا سەرجانت ب.احمەتقاليەۆ تانىلدى. ال كۇمىس پەن قولانى «ورتالىق» وڭىرلىك قولباسشىلىعىنىڭ 5516 اسكەري ءبولىمىنىڭ جۇرگىزۋشىسى, اعا سەرجانت ج.كوكەن پەن 3656 اسكەري ءبولىمىنىڭ جۇرگىزۋشىسى سەرجانت ە.بەدەشەۆ ءوزارا ءبولىستى.
«ەڭ باستىسى, باتىلدىق كەرەك. سونداي-اق ۇستامدىلىق پەن جۇرگىزۋشىنىڭ جاقسى ءجۇرىسى دە ماڭىزدى. قالعانىنىڭ ءبارى دە سوعان بايلانىستى. مەن ەكسترەمالدى جانە ادرەناليندى سەزىندىم. ءبىر سوزبەن ايتقاندا, ءوز ناتيجەمە ريزامىن, فينالدىق جارىستا لايىقتى جەڭىسكە جەتتىم», دەيدى جارىس تۋرالى سەرجانت باۋىرجان احمەتقاليەۆ.
سودان كەيىن كەدەرگىلەر جولاعىنا بتر ەكيپاجدارى شىقتى. بۇل جارىستاردىڭ ەرەكشەلىگى – ەكيپاجدار ءبىر-بىرىمەن ۇنەمى جۇمىس ىستەمەيدى. ولاردىڭ قۇرامىندا كەلىسىمشارت بويىنشا اسكەري قىزمەتشىلەر دە, ارنايى دايىندىقتان وتكەن جانە وسىنداي كۇردەلى تەحنيكاعا جىبەرىلگەن مەرزىمدى ساربازدار دا بار. ەكيپاجدار بتر-گە قارسى قولدانىلاتىن ارىق, «جىلان», كوتەرمە كوپىر, مينالانعان وتكەل, گاباريتتى اۋلا, گاباريتتى «سەگىزدىك», تىك كوتەرىلۋ جانە ءتۇسۋ, تەمىرجول وتكەلى, اپپارەل, كوسوگور سياقتى كەدەرگىلەردى ەڭسەردى.
«برونەترانسپورتەر جۇرگىزۋشىلەرىنىڭ كاسىبي شەبەرلىكتەرىن تاماشالاۋ ەرەكشە اسەر بەرەدى. الدىمەن ولار شۇڭقىردى, كوتەرمە كوپىردى ەڭسەرۋ, جىلدامدىقپەن كوتەرىلۋ جانە توقتاۋ, سونداي-اق اتىس تاسىلدەرىن ورىنداۋى كەرەك. بۇل رەتتە ولار كىدىرمەستەن, ارتقا شەگىنبەي قوزعالىپ, قابىرعالار مەن شەكتەۋ تىرەكتەرىن سوعىپ الماۋى قاجەت. وسى جولى بتر ەكيپاجدارى ءارتۇرلى دارەجەدەگى كەدەرگىلەرگە تاپ بولدى», دەپ اتاپ ءوتتى 3656 اسكەري ءبولىمى كومانديرىنىڭ تەحنيكا جانە قارۋ-جاراق جونىندەگى ورىنباسارى, پودپولكوۆنيك نۇرسەيىت قامباروۆ.
بايقاۋ قورىتىندىسى بويىنشا ءبىرىنشى جالپىكوماندالىق ورىندى 6654 اسكەري ءبولىمىنىڭ كومانداسى, ەكىنشى ورىندى «ورتالىق» وڭىرلىك قولباسشىلىعىنىڭ كومانداسى, ءۇشىنشى ورىندى «باتىس» وڭىرلىك قولباسشىلىعىنىڭ كومانداسى جەڭىپ الدى.
ايتپاقشى, ۇلتتىق ۇلاننىڭ «ۇزدىك جۇرگىزۋشىسى» جانە «ۇزدىك بتر ەكيپاجى» بايقاۋىنىڭ سوڭعى ەكسترەمالدى كەزەڭىنە قۇرمەتتى كورەرمەن رەتىندە «ايالا» بالالاردى وڭالتۋ ورتالىعىنىڭ تاربيەلەنۋشىلەرى شاقىرىلدى. مۇندا بالالار ءۇشىن مەرەكەلىك تۇسكى اس ۇيىمداستىرىلدى. ءوز كەزەگىندە ۇلتتىق ۇلان باس قولباسشىسىنىڭ تەحنيكا جانە قارۋ-جاراق جونىندەگى ورىنباسارى گەنەرال-مايور كونستانتين باس قولباسشىسىنىڭ اتىنان كەڭسە كەرەك-جاراقتارىن سىيعا تارتىپ, بالالاردى قۋانتتى.
