ماعىنالى ساپار, ماڭىزدى كەلىسىم

اتاپ ايتقاندا, پرەزيدەنت «Mastercard» كومپانياسىنىڭ اتقارۋشى ۆيتسە-پرەزيدەنتى نيكولا ۆيللانى قابىل­دادى. كەزدەسۋ بارىسىندا قارجى سەك­تورىن, IT سالاسىن دامىتۋ, سونداي-اق شاعىن جانە ورتا بيزنەستىڭ تسيفرلىق قۇزىرەتىن ارتتىرۋ باعىتتارىنداعى ىنتى­ماقتاستىقتىڭ كەلەشەگى تالقى­لاندى. بۇل كومپانيا تمد-داعى, ورتالىق جانە شىعىس ەۋروپاداعى كونسالتينگتىك باعىتتى دامىتۋ ءۇشىن الماتى قالاسىن وڭىرلىك حاب رەتىندە تاڭداپ وتىر. سونداي-اق تسيفرلىق دامۋ جانە اەروعارىش ونەركاسىبى مينيسترلىگى مەن «Mastercard» كومپانياسى اراسىندا وسى جانە وزگە دە باستامالار قامتىلعان «Digital Country Partnership» (DCP) نەگىزدەمەلىك كەلىسىمىنە قول قويىلدى.

«Mastercard» – الەمنىڭ 210 ەلىندەگى 2,3 ميللياردتان استام تۇتىنۋشىنى بىرىڭعاي تولەم جۇيەسىنە قوسقان جاھان­دىق جەتەكشى تەحنولوگيالىق كومپانيا. نارىقتاعى قۇنى 390 ملرد دوللاردان اساتىن «Mastercard» الەمدەگى ەڭ قىمبات 10 برەندتىڭ قاتارىنا كىرەدى.

كەزدەسۋدەن كەيىن تسيفرلىق دامۋ, يننوۆاتسيالار جانە اەروعارىش ونەر­كا­سىبى ءمينيسترى باعدات مۋسين مەم­لەكەت باسشى­سى­نىڭ «Mastercard» كومپا­نياسىنىڭ اتقارۋ­شى ۆيتسە-پرەزيدەنتىمەن وتكىزگەن كەزدە­سۋىنىڭ ناتيجەسى جونىندە پىكىر ءبىلدىردى.

«مەملەكەت باسشىسى قاسىم-جومارت توقاەۆ بيىلعى جولداۋىندا ەلدى تسيفر­لاندىرۋدى, IT سالاسىن دامىتۋ­­دى, قازاقستاندى IT مەملەكەتكە اينال­دىرۋدى ناقتى تاپسىردى. بۇگىن «Masterسard»-پەن كەزدەسۋ اياسىندا اتال­عان كومپانيامەن بىرلەسىپ, «Digital Country Partnership» دەگەن قۇجاتقا قول قويدىق. ونىڭ قانداي ارتىقشىلىعى بار؟ ەلىمىزگە قانداي سەرپىن بەرەدى؟ بىرىنشىدەن, «Masterسard» – وتە ۇلكەن, ءىرى ديدجيتال تسيفرلىق كومپانيا. ولار قازاقستاندى دۇنيەجۇزىندەگى مەملەكەتتەردىڭ ىشىنەن ءۇشىنشى ورىن رەتىندە اۋماقتىق, وڭىرلىك حاب رەتىندە تاڭداپ وتىر. ياعني الماتىدا تسيفرلىق ونىمدەردى دامىتۋ جانە باسقا ەلدەرگە تاراتۋ بويىنشا ايماقتىق حاب قۇرادى», دەدى مينيستر.

ۆەدومستۆو باسشىسىنىڭ ايتۋىنشا, ەلەكتروندى ۇكىمەت جانە باسقا دا IT ونىمدەرىمىزدى شەتەلدەرگە تاراتۋ, تسيفر­لاندىرۋدى ناسيحاتتاۋ «Masterسard» پلاتفورماسى ارقىلى جۇرگىزىلەدى. «باسقا دا باعىتتارعا كەلىسىمدەرگە قول جەتكىزدىك. مىسالى, «Masterسard» ۇلتتىق تولەمدەردى قالىپتاستىرۋعا كومەكتەسەدى. سونىمەن قاتار بيزنەستەردى تسيفرلاندىرۋ بويىنشا كونسالتينگ قۇرۋعا اتسالىسادى. بۇدان بولەك, تسيفرلاندىرۋدى ءارى قاراي ىلگەرىلەتۋگە قولۇشىن سوزادى», دەدى ب.مۋسين.

بۇدان كەيىن مەملەكەت باسشىسى قاسىم-جومارت توقاەۆ «Amazon» كورپوراتسياسىنىڭ ۆيتسە-پرەزيدەنتى سيۋزان پوينتەرمەن كەزدەستى. كەلىس­سوزدەر كەزىندە «بۇلتتى» تەحنولوگيالاردى دامىتۋعا جانە داتا-ورتالىقتار قۇرىلىسىنا قاتىستى ءوزارا ءتيىمدى ىنتىماقتاستىقتىڭ مۇمكىندىكتەرى تالقىلاندى.

كەزدەسۋ اياسىندا قازاقستاننىڭ تسيفرلىق دامۋ جانە اەروعارىش ونەركاسىبى مينيسترلىگى («ۇات» اق) مەن «Amazon Web Services» اراسىندا «Outpost» «بۇلتتى» تەحنولوگيا شەشىمىن ساتىپ الۋ جانە ونى «QazTech» پلاتفورماسىمەن ينتەگراتسيالاۋ جونىن­دەگى پيلوتتىق جوبانى ىسكە قوسۋ تۋرالى كەلىسىمگە قول قويىلدى.

تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات ءمۋسيننىڭ ايتۋىنشا, اتالعان بۇلتتى تەحنولوگيا egov-تىڭ بىرقاتار قىزمەتىنىڭ جۇمىسىن جەتىلدىرۋگە قولدانىلماق.

«پرەزيدەنتىمىز «Amazon web services» كومپانياسىنىڭ باسشىلىعىمەن كەزدەستى. وندا بۇلتتىق تەحنولوگيانىڭ, IT سالاسىنىڭ جانە تسيفرلاندىرۋدى دامىتۋداعى ماسەلەلەر تالقىلاندى. ناقتى ايتا كەتسەك, ەلىمىزگە Amazon web services-ءدىڭ Outpost دەگەن شەشىمى قازاق­ستاندىقتىق egov قىزمەتىنىڭ بىرقاتار قىزمەتىن بۇلتتىق تەحنولوگيالار اياسىن­دا جۇرگىزۋ تالقىلاندى. كەلىسىمشارتقا قول جەتكىزدىك. ياعني بۇگىننەن باستاپ «Amazon web services» تەحنولوگيالارى ءبىزدىڭ egov بىرنەشە قىزمەتىندە پايدالانىلادى», دەدى ب.مۋسين.

سونىمەن قاتار مەملەكەت باسشىسى قاسىم-جومارت توقاەۆ «GE Healthcare» كومپانياسىنىڭ ەۋروپا, تاياۋ شىعىس جانە افريكا بويىنشا پرەزيدەنتى روب ۋولتونمەن كەزدەستى.

«GE Healthسare» كومپانياسىنىڭ الەمنىڭ 140-تان استام ەلىندە وكىلدىگى بار. 2022 جىلى كومپانيانىڭ تازا تابىسى – 19 ملرد دوللار. ال نارىقتاعى قۇنى 34,5 ملرد دوللاردى قۇرادى. كەزدەسۋ اياسىندا قازاقستان رەسپۋبليكاسىنىڭ ۇكىمەتى مەن «GE Healthcare» اراسىندا «GE Healthcare» كومپانياسىنىڭ ينۆەستيتسيالىق جوباسىن جۇزەگە اسىرۋعا قاتىستى نەگىزگى شارتتار تۋرالى نەگىزدەمەلىك كەلىسىمگە قول قويىلدى.

دەنساۋلىق ساقتاۋ ءمينيسترى اجار عينياتتىڭ سوزىنە سۇيەنسەك, استانا مەديتسينالىق ۋنيۆەرسيتەتى بازاسىندا «GE Healthcare» اكادەمياسى اشىلماق. سونداي-اق ۋلترادىبىس اپپارات­تارى ءوندىرىسىنىڭ جەرگىلىكتى ۇلەسىن ارت­­تىرۋ جانە الداعى ۋاقىتتا كومپيۋتەر­­­لىك توموگرافيا, انگيوگرافيا جانە مامموگرافيا قۇرىلعىلارىن شىعارۋ جوسپارلانعان.

«مەملەكەت باسشىسى قاسىم-جومارت توقاەۆتىڭ دەنساۋلىق ساقتاۋ سالاسىنا ينۆەستيتسيا تارتۋ, وتاندىق ءوندىرىستى دامىتۋ جونىندەگى تاپسىرماسىنا سايكەس, بۇگىن امەريكالىق «GE Healthcare» كومپانيا­سىمەن ۇلكەن كەلىسىمگە قول قويىلدى. اتال­عان كومپانيا – دۇنيەجۇزىندە مەديتسينا­­لىق اپپاراتتار, قۇرال-جابدىقتار شىعارا­تىن ەڭ ۇزدىك جەتەكشى كاسىپورىننىڭ ءبىرى. ءجۇز جىلدىق تاجىريبەسى بار. بۇكىل دۇنيەجۇزىنىڭ مەديتسينالىق ۇيىمدارىن اپپاراتتارمەن, قۇرال-جابدىقتارمەن قامتاماسىز ەتەدى.

ەلىمىزدە دە مەديتسينالىق مەكەمەلەردە دارىگەرلەر وسىنداي اپپاراتتارمەن جۇمىس ىستەيدى. كەيىنگى 10 جىلدا ءۇش مىڭعا جۋىق قۇرال-جابدىق ساتىپ الىندى. ەلىمىزدە 80-گە جۋىق ءوندىرۋشىنىڭ ءارتۇرلى قۇرال-جابدىق اپپاراتتارى تىركەلگەن. بۇل ۇلكەن كەلىسىم بويىنشا, ەلىمىزدە ۇلكەن اپپاراتتار, اسىرەسە ۋلترادىبىستىق اپپاراتتار, كومپيۋتەرلىك توموگراف اپپاراتتارى وندىرىلمەك. سونىمەن قاتار ولاردى جوندەيتىن سەرۆيستىك قىزمەت ورتالىعى جۇمىس ىستەيدى. بۇعان قوسا, GE اكادەمياسى اشىلىپ, مەديتسينالىق قىزمەتكەرلەر, بيوينجەنەرلەر دايىندالىپ, ەلىمىزدىڭ كادر الەۋەتى كوتەرىلەدى. GE كومپانياسىمەن بىرگە مەديتسينا سالاسىنادعى ءارتۇرلى دياگنوستيكالىق اپپاراتتاردىڭ بارلىق سۋرەتتەرى جينالىپ, ۇلكەن ۇلتتىق ارحيۆ جاسالىنادى. ءارى قاراي دەنساۋلىق ساقتاۋ سالاسىندا دياگنوستيكانى جاقسارتاتىن جوبا قاراستىرىلىپ جاتىر. بۇل كەلىسىمنىڭ اياسىندا ەلىمىزگە كەلەتىن ينۆەستيتسيانىڭ كولەمى 60 ملن دوللاردى قۇرايدى. كەلىسىم بويىنشا جاسالعان جۇمىس دەنساۋلىق ساقتاۋ سالاسىن ءارى قاراي دەڭگەيىن كوتەرەدى», دەدى ا.عينيات.