فوتو: اشىق دەرەككوز
قۇجاتتا باستاۋىش ءبىلىمنىڭ جالپى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنىڭ ءبىرىنشى سىنىبىنا قابىلداناتىن بالالاردىڭ اتا-انالارىنان نەمەسە وزگە دە زاڭدى وكىلدەرىنەن قۇجاتتاردى قابىلداۋ اعىمداعى كۇنتىزبەلىك جىلدىڭ 1 ساۋىرىنەن باستاپ ىسكە اسىرىلاتىنى جازىلعان.
بۇعان دەيىن قۇجاتتار 1 تامىزعا دەيىن قابىلداناتىن. قازىر مۇنداي شەكتەۋ جوق.
كورسەتىلەتىن قىزمەتتى بەرۋشى وقۋعا قابىلداۋ كەزىندە اعىمداعى جىلعى 1 قىركۇيەكتەن باستاپ ءبىلىم بەرۋ ۇيىمىنىڭ قىزمەت كورسەتۋ اۋماعىنان كورسەتىلەتىن قىزمەتتى الۋشىلارعا وقۋعا قابىلدانعانى تۋرالى حابارلاما جىبەرەدى.
سونىمەن قاتار وسى جىلدىڭ 1 قىركۇيەگىنەن باستاپ وقۋشىلاردى تەگىن وقۋ ورىندارى بولعان جاعدايدا مەكتەپتىڭ قىزمەت كورسەتۋ ايماعىنان تىس جەرلەردەن قابىلداۋ ىسكە اسىرىلاتىنى قوسىلدى.
ايتا كەتسەك, ورتا مەكتەپكە بالالاردى قابىلداۋ مەرزىمى ۇزارتىلدى.
جالپى ورتا ءبىلىمنىڭ جالپى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنىڭ ونىنشى, ون ءبىرىنشى (ون ەكىنشى) سىنىپتارىنا ءبىلىم الۋشىلاردى قابىلداۋ ءبىلىم بەرۋ ۇيىمىنىڭ قىزمەت كورسەتۋ اۋماعىندا تۇراتىن ءبىلىم الۋشىلاردىڭ قولجەتىمدىلىگىن قامتاماسىز ەتە وتىرىپ جانە ءبىلىم الۋشىنىڭ جەكە ءوتىنىشىنىڭ نە ولاردىڭ اتا-انالارىنىڭ نەمەسە وزگە دە زاڭدى وكىلدەرىنىڭ ءوتىنىشىنىڭ جانە نەگىزگى ورتا ءبىلىم تۋرالى مەملەكەتتىك ۇلگىدەگى قۇجاتىنىڭ نەگىزىندە جۇزەگە اسىرىلادى.
قۇجات 3 قازانعا دەيىن اشىق نقا سايتىنا ورنالاستىرىلدى.
