فوتو: akorda.kz
«ورتالىق ازيا» تۋريستىك برەندىن بىرگە ناسيحاتتاي وتىرىپ, ەلدەرىمىزدىڭ بىرەگەي تابيعاتىن جانە وزىنە ءتان باي مادەنيەتىن بۇكىل الەمگە تانىستىرۋعا كەرەمەت مۇمكىندىگىمىز بار. اقپاراتتىق كەڭىستىكتەگى ىنتىماقتاستىقتى جانداندىرۋدىڭ پەرسپەكتيۆاسى زور. جوعارى ساپالى ورتاق مەدياجوبالاردى جۇزەگە اسىرۋ, سونىڭ ىشىندە جالپىوڭىرلىك تەلەارنا, جاڭالىقتار سايتىن قۇرۋ ىسىنە كىرىسۋدى ۇسىنامىن. بۇل مىندەتتەردىڭ ورىندالۋى ورتالىق ازيا ەلدەرىنىڭ سالالىق ۆەدومستۆولارى جانە اقپارات اگەنتتىكتەرى اراسىنداعى تۇراقتى ديالوگقا سەپتىگىن تيگىزەدى», دەدى مەملەكەت باسشىسى كەزدەسۋ بارىسىندا.
پرەزيدەنت ورتاعا سالعان ۇسىنىستارى ورتالىق ازيا ەلدەرى اراسىنداعى قارىم-قاتىناستى جاڭا ساپالى دەڭگەيگە كوتەرۋ نيەتىنەن تۋىنداپ وتىرعانىن العا تارتتى.
«قازاقستان وڭىردەگى ىنتىماقتاستىقتى ودان ءارى نىعايتۋعا مۇددەلى ەكەنىن تاعى دا اتاپ وتكىم كەلەدى. قۇرمەتتى ارىپتەستەر, سىزدەردى ورتالىق ازيا مەملەكەتتەرى باسشىلارىنىڭ قازاقستاندا وتەتىن 6-شى كونسۋلتاتيۆتىك كەزدەسۋىنە شاقىرامىن. الداعى مىندەتتەردىڭ تابىستى جۇزەگە اسىرىلۋى دوستىقتى, تاتۋ كورشىلىك قارىم-قاتىناستى جانە ستراتەگيالىق سەرىكتەستىكتى ودان ءارى نىعايتۋعا مۇمكىندىك بەرەتىنىنە سەنىمدىمىن», دەپ تۇيىندەدى مەملەكەت باسشىسى.
