تۇراقتى دامۋ باعىتىنا قولداۋ كورسەتەمىز

ۇلتتىق ەكونوميكا مينيستر­لىگى مەن ەكونوميكالىق زەرتتەۋ­لەر ينستيتۋتىمەن بىرلەسىپ وت­كىزىلگەن جيىنعا تۇراقتى دامۋ­عا قاتىستى ماڭىزدى ماسە­لەلەر تالقىلاندى. ءىس-شارا بارىسىندا جەرگىلىكتى دەڭگەيدە باتىل ءارى سەرپىندى قادامداردىڭ قاجەت ەكەنى ايتىلدى.

بريفينگتە سويلەگەن سوزىندە بۇۇ-نىڭ قازاقستانداعى تۇراق­تى ۇيلەستىرۋشىسى ميكاەلا فري­بەرگ-ستوري ەلىمىزدىڭ ور­نىقتى دامۋعا ۇنەمى قولداۋ كور­سەتىپ كەلە جاتقانىنا نازار اۋداردى.

«كەلەسى اپتادا نيۋ-يوركتە سامميت وتەدى. بۇۇ باس اسسامب­لەياسىنىڭ جاڭا توراعاسى جاڭادان سەنىمدى جۇزەگە اسىرىپ, ىنتىماقتاستىقتى دامىتۋ كەرەگىن ايتتى. قازاقستان مۋلتيلاتەراليزمگە جانە ورنىقتى دامۋعا ۇنەمى قولداۋ كورسەتىپ ءجۇر. سونىمەن قاتار بۇۇ-نىڭ جارعىسىن ورىنداۋعا ۇلەس قوسىپ كەلەدى», دەدى م.فريبەرگ-ستوري.

سپيكەر وتىرىستا ەلىمىزدىڭ دامۋ ماقساتتارى بو­يىنشا جەتكەن جەتىستىكتەرى تۋرالى ءسوز بولاتىنىن جەتكىزدى. ونىڭ ايتۋىنشا, 2015 جىلى مەملەكەت باسشىلارى تۇراقتى دامۋ باعدارلاماسىن قابىلداۋ ءۇشىن جينالعان بولاتىن. قازىر الەم ورتا جولعا جەتتى.

«تۇراقتى دامۋ ماقساتتارىنا جەتۋ ءۇشىن 7,5 جىلعا جۋىق ۋاقىت قالدى. بۇل سامميت وسى ماقساتتارعا جەتۋدى جىلدامداتۋ ءۇشىن وتكىزىلگەلى وتىر. ءبىز قازاقستاننىڭ العا قويعان ماقساتتارىنا بارىن­شا قولداۋ كورسەتەمىز. بىرنە­شە مىسال كەتىرە كەتەيىن. ماسە­لەن, انا ءولىمىنىڭ تومەن­دەگە­نىن كورىپ وتىرمىز. بىراق ونى­مەن قوسا كەدەيلىك شە­گى­نەن تو­مەن دەڭگەيدە ءومىر سۇرە­تىن حالىق بار», دەدى بۇۇ-نىڭ قا­زاق­ستانداعى تۇراقتى ۇيلەستىرۋشىسى.

ۇلتتىق ەكونوميكا مينيستر­لىگى الەۋمەتتىك ساياسات جانە مەم­­لەكەتتىك ورگانداردى دامىتۋ دەپارتامەنتىنىڭ ديرەكتورى نۇرگۇل جاننازاروۆا ورنىق­تى دامۋ ماقساتتارى كەدەي­شى­لىكتى جويۋعا باعىتتالعانىنا توقتالدى.

«بۇگىن بۇۇ باس اسسامب­لەيا­سىنىڭ 78-سەسسياسى شەڭ­بەرىندەگى ورنىقتى دامۋ ماق­سات­تارى بويىنشا سامميت قارساڭىندا جينالىپ وتىرمىز. بۇل سامميت ورنىقتى دامۋ ماقساتتارىنىڭ جەدەلدەتىلگەن پروگرەسىنىڭ جاڭا كەزەڭىنىڭ باس­تالۋىن بەلگىلەيدى. وزدەرىڭىز بى­لەتىندەي, ورنىقتى دامۋ ماق­ساتتارىنىڭ تاريحى 2015 جىل­دىڭ 25 قىركۇيەگى­نەن باستالادى. ءدال سول كەزدە بۇۇ-نىڭ نيۋ-يورك­تەگى شتاب-پاتەرىندە الەم­دىك كوشباسشىلار 2030 جىل­عا دەيىنگى تۇراقتى دامۋ كۇن ءتار­تىبىن قابىلدادى», دەدى ن.جان­نازاروۆا.

بايانداماشى اتاپ وتكەن­دەي, ەلىمىز حالىقارالىق قوعام­داستىقتىڭ قاتىسۋشىسى رەتىندە 2030 جىلعا دەيىنگى كەزەڭگە ورنىقتى دامۋ سالاسىنداعى كۇن تارتىبىندە قويىلعان ماسە­لەلەردى ورىنداۋعا بەل شەشىپ كىرىسكەن.

«2030 جىلعا دەيىنگى كەزەڭ­گە ارنالعان تۇراقتى كۇن ءتارتىبى كەدەيلىكتى جويۋعا, تەڭسىز­دىك­پەن كۇرەسۋگە, سونداي-اق كلي­ماتتىق وزگەرۋىنە بايلا­نىس­تى ماسەلەلەردى شەشۋگە باعىتتالعان 17 ورنىقتى دامۋ ماقساتىنان تۇرادى. ءبىز حا­لىق­ارالىق سەرىكتەستەرىمىزدىڭ قول­داۋىن جوعارى باعالايمىز. بۇۇ-نىڭ قولداۋىمەن 2020-2021 جانە 2025 جىلدارعا ار­نال­عان ورنىقتى دامۋ ماقسا­تىندا ىنتىماقتاستىقتىڭ نە­گىز­دەمەلىك باعدارلاماسى ىسكە اسى­رىلىپ جاتىر. قازاق­ستان ورنىقتى دامۋ قاعيداتتارىن ۇلت­تىق باعدارلامالار مەن ستراتەگيالارعا ينتەگرا­تسيا­لاۋ­دىڭ جوعارى دەڭگەيىنىڭ ارقا­سىندا ورنىقتى دامۋ ماق­سات­تارىن ىسكە اسىرۋ ۇدەرىسىن جەت­كىلىكتى, جاقسى باستاپقى پوزي­تسيادان باستادى», دەدى ن.جان­نازاروۆا.

ەكونوميكالىق زەرتتەۋلەر ينستيتۋتىنىڭ باسقارما توراعاسىنىڭ ورىنباسارى ءادىل قۇسمانوۆ قازاقستان ۇكى­مەتى شاعىن جانە ورتا بيز­نەس­تى قول­داۋعا ارنالعان جاڭا باعدارلاما ازىرلەپ جاتقانىن جەتكىزدى.

«ميكرو جانە شاعىن بيزنەس­كە وتە از سالىق سالىپ, ال ورتا بيزنەسكە ۇلكەن سا­لىق تولەسەڭ, وندا بيزنەس ىرىلەنگىسى كەلمەيدى. ءبىز بيزنەس­تىڭ وسكەنىن قالايمىز. ياعني بۇل دامۋىمىزدىڭ رەفورمالار جانە قولداۋ اياسىنداعى ەكىنشى باعىتى دەپ ايتۋعا بولادى. ال مەملەكەتتىك ساتىپ الۋ جۇيەسىنە كەلسەك, وندا دا ىلگەرىلەۋ بار. شاعىن جانە ورتا بيزنەس ءۇشىن ءتىپتى ورتا كاسىپورىنداردىڭ ىشىندە دە الەۋمەتتىك تۇرعىدان وسال قىزمەتكەرلەر بولۋى مۇم­كىن. ولارعا دا مەملەكەتتىك ساتىپ الۋ اياسىندا بەلگىلى ءبىر جەڭىلدىك بەرىلەدى», دەدى ءا.قۇسمانوۆ.

ونىڭ ايتۋىنشا, شاعىن جانە ورتا بيزنەسكە قولداۋ كور­سەتۋ ماقساتىندا ۇكىمەت قازىر جاڭا باعدارلاما دايىنداپ جاتىر. بۇل باعدارلامانىڭ ەرەك­شەلىگى, بەرىلەتىن سۋبسيديا جانە جەڭىلدەتىلگەن كرەديت بيزنەستىڭ اۋقىمىنا بايلانىس­تى بولماق.

بيىلعى تۇ­راق­­تى دامۋ ماق­ساتتارى ءسام­ميتى 18-19 قىر­­كۇيەك­تە بۇۇ باس اس­سام­بلەيا­­­سىنىڭ جوعارى دەڭ­گەي­دەگى اپ­­تالىعى اياسىندا وتەدى. مەملەكەت جانە ۇكىمەت باسشىلارى تۇراقتى دامۋدىڭ 2030 جىل­عا ارنالعان كۇن ءتارتىبىن جانە تۇراقتى دامۋ ماقساتىن (تدم) ىسكە اسىرۋ بارىسىن قادا­عالاپ, اتقارىل­عان شارۋالار­دى تالقىلاماق. ءسامميتتىڭ قورى­تىندىسى بو­يىن­شا ساياسي دەكلاراتسيانى قا­بىل­داۋ جوسپارلانعان.

تۇراقتى دامۋدىڭ 2030 جىل­عى كۇن ءتارتىبى – كەدەيلىك, تەڭ­­سىز­­­دىك, كليماتتىڭ وزگەرۋى, قور­شا­­عان ور­تانىڭ دەگراداتسيا­سى سەكىل­­دى الەم­دەگى ەڭ وزەكتى ماسە­لە­لەر­­دى شە­شۋگە ارنالعان جاھان­دىق مىن­­­د­ەتتەمە. قۇجات 2030 جىلعا قا­را­ي الەم­دى وزگەرتۋگە ارنالعان تۇ­­راقتى دامۋدىڭ 17 ماقساتىنان  تۇرادى.