فوتو: polisia.kz
«قوستاناي وبلىسىندا پوليتسيا قىزمەتكەرلەرى وبلىستىڭ بىرنەشە وڭىرىندە ەسىرتكى ساتۋشىلاردى ۇستاۋ بويىنشا ارنايى وپەراتسيا جۇرگىزدى. ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارى بارىسىندا 6 كۇدىكتىنى ۇستادى. ونىڭ بەسەۋى ۋاقىتشا ۇستاۋ يزولياتورىنا قامالدى. وپەراتسيا ءبىر مەزگىلدە رۋدنىي, ليساكوۆ قالالارىندا جانە قوستاناي اۋدانىندا ءوتتى. پوليتسيا قىزمەتكەرلەرى سانكتسيالانعان ءتىنتۋ جۇرگىزۋ بارىسىندا زاڭسىز اينالىمنان وسىمدىك تەكتەس ەسىرتكى زاتتارى, اقشا قاراجاتى, ونىڭ ىشىندە شەتەل ۆاليۋتاسى, تەمەكى شەگەتىن تۇتىكتەر تاركىلەندى», دەپ جازىلعان حابارلامادا.
وسى دەرەك بويىنشا پوليتسيا قر قك-ءنىڭ 297-بابىنىڭ 3-بولىمىندە كوزدەلگەن (ەسىرتكى زاتتارىن, ولاردىڭ انالوگتارىن وتكىزۋ ماقساتىندا زاڭسىز دايىنداۋ, وڭدەۋ جانە ساقتاۋ, تاسىمالداۋ) سوتقا دەيىنگى تەرگەپ-تەكسەرۋدى باستادى. باپتىڭ سانكتسياسى مۇلكى تاركىلەنىپ, ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋدى كوزدەيدى. تەرگەۋ بارىسىندا كۇدىكتىلەردىڭ وبلىستىڭ قالالارى مەن اۋداندارىنىڭ اۋماعىندا ەسىرتكى ساتقانى, ولاردىڭ جۇمىسى ۇيلەستىرىلگەنى انىقتالدى. قازىر ساراپتامالار تاعايىندالىپ, قاجەتتى تەرگەۋ ارەكەتتەرى ءجۇرىپ جاتىر.
