فوتو: ن. بايبۋلين
«قازاقستان رەسپۋبليكاسىنىڭ ۇكىمەتى مەن تۇركيا رەسپۋبليكاسىنىڭ ۇكىمەتى اراسىنداعى اقپارات الماسۋدى ۇيىمداستىرۋ جانە كەدەندىك باقىلاۋ راسىمدەرىن وڭايلاتۋ تۋرالى كەلىسىمدى راتيفيكاتسيالاۋ تۋرالى» زاڭى كەدەندىك باقىلاۋدى جۇرگىزۋدىڭ تيىمدىلىگىن ارتتىرۋعا جانە مەرزىمىن قىسقارتۋعا باعىتتالعان.
«كەلىسىم وتكىزۋ پۋنكتتەرىندە شەكارانى كەسىپ ءوتۋدىڭ ءتارتىبىن, كەدەندىك باقىلاۋدى جۇرگىزۋ ۋاقىتىن قىسقارتۋ ماقساتىندا كەدەندىك رەسىمدەۋدى جەڭىلدەتۋدى, سالالاردا قۇقىق بۇزۋشىلىق بەلگىلەرى بولعان جاعدايلاردى قوسپاعاندا, وتكىزۋ پۋنكتتەرىندە كەدەندىك تەكسەرۋدەن بوساتۋدى كوزدەيدى», دەلىنگەن حابارلامادا.
كوميتەت وتىرىسىندا سەناتورلار كەلىسىمدى راتيفيكاتسيالاۋ كەدەندىك راسىمدەردى وڭايلاتۋعا جانە وڭتايلاندىرۋعا, سىرتقى ەكونوميكالىق قىزمەتكە قاتىسۋشىلار ءۇشىن قولايلى جاعدايلار جاساۋعا ىقپال ەتەتىن ايتتى. بۇل ءوز كەزەگىندە جۇك تاسىمالداۋشىلار ءۇشىن ىڭعايلى بولماق.
