«سەرۆيستىك پوليتسيانى دامىتۋ ءىسىن جالعاستىرۋ كەرەك. ول ءۇشىن تۇرعىندارعا قۇقىق بۇزۋشىلىقتارعا مۇلدەم توزبەۋشىلىك قاعيداتىنىڭ ساقتالۋىن قامتاماسىز ەتۋگە مۇمكىندىك بەرەتىن ىنتىماقتاستىقتىڭ ءوزارا ءتيىمدى جولدارىن ۇسىنۋ قاجەت. كامەلەتكە تولماعانداردىڭ قۇقىقتارىن قورعاۋ جۇيەسى دە ايتارلىقتاي وزگەرىستەردى قاجەت ەتەدى. بيىل 30 ماۋسىمدا ءىىم كەڭەيتىلگەن القا وتىرىسىندا بەرگەن تاپسىرمالارىمنىڭ ىسكە اسىرىلۋىن قامتاماسىز ەتۋ كەرەك. جۇكتەلگەن مىندەتتەر – وتە ماڭىزدى. سوندىقتان ولاردى تابىستى ورىنداۋ ءۇشىن بارلىق جەكە قۇرام جانە ەڭ الدىمەن, مينيسترلىك باسشىلىعى جۇدىرىقتاي جۇمىلۋى قاجەت», دەدى قاسىم-جومارت توقاەۆ.
پرەزيدەنت ءىىم باسشىلىعىنا جۇكتەلگەن مىندەتتەردى ساپالى ءارى ۋاقتىلى ىسكە اسىرۋ ىسىندە تابىس تىلەدى.
