فوتو: تۇركىستان وبلىسى اكىمىنىڭ ءباسپاسوز قىزمەتى
كەنتاۋ قالاسىنىڭ اكىمى جاندوس تاسوۆ 98 جاستاعى مايدانگەردى ارنايى بارىپ قۇتتىقتاپ, جىلى لەبىزىن ءبىلدىردى.
«ەلىمىزگە بەيبىتشىلىك پەن تىنىشتىق سىيلاعان ارداگەردىڭ ەرلىكتەرى ەشقاشان ۇمىتىلمايدى. ارداگەرگە قۇرمەت كورسەتۋ, وسكەلەڭ ۇرپاققا مىندەت. بارشاڭىزدى تاۋەلسىزدىگىمىزدىڭ تۇعىرى بولعان قازاقستان رەسپۋبليكاسىنىڭ كونستيتۋتسيا كۇنىمەن شىن جۇرەكتەن قۇتتىقتايمىن», دەدى قالا باسشىسى.
ءوز كەزەگىندە قارت مايدانگەر, جاس ۇرپاقتىڭ بەيبىت ومىردە باقىتتى عۇمىر كەشۋىن تىلەپ, قازاق ەلىنىڭ تاۋەلسىزدىگى ماڭگى جاساي بەرسىن دەپ اق باتالى تىلەگىن ارنادى.
1924 جىلى دۇنيەگە كەلگەن بادان تورەباەۆ 1944 جىلى 15 قازاندا شاقىرتۋمەن اسكەرگە اتتانىپ, 4 اي اسكەري دايىندىقتان وتكەن سوڭ, بەلورۋسسيادان باستاپ بەرلينگە دەيىنگى قان مايدانداردا شايقاسقان.
مايدانگەر اۋىر شايقاستا كوزگە ءتۇسىپ, «ەرلىگى ءۇشىن» مەدالىمەن ماراپاتتالعان. سونداي-اق ءى-ءشى دارەجەلى « ۇلى وتان سوعىسى» وردەنىمەن, 2 رەت «ەرلىگى ءۇشىن», «بەرليندى العانى ءۇشىن», «گەرمانيانى جەڭگەنى ءۇشىن» مەدالدارىمەن ناگرادتالعان.
ەلگە 1950 جىلى قاراشادا ورالىپ, كەنتاۋ قالاسىنداعى «مىرعالىمساي» كەنىشىندە ۇزاق جىلدار بويى قىزمەت اتقارىپ, سول قىزمەتى زەينەتكە جەتكىزدى. ول 2 ۇل, 3 قىزىنان 16 نەمەرە, 35 شوبەرە, 1 شوپشەك سۇيگەن باقىتتى ارداگەر.
