فوتو: polisia.kz
اباي اۋداندىق پوليتسيا باسقارماسىنا «102» ارناسى ارقىلى ۋميدا ابدۋمۋتاليپقىزى ەسىمدى ازاماتشا ارىزداندى. قالا تۇرعىنىنىڭ ايتۋىنشا, ول ساۋدا ورتالىعىندا جۇرگەندە قوماقتى اقشاسى, قۇجاتتارى مەن بانك كارتالارى سالىنعان ءاميانىن جوعالتىپ العان. ءبىر ساعاتقا جۋىق ۋاقىت بويى ءوز بەتىنشە جۇرگىزگەن ىزدەۋ جۇمىستارى ناتيجەسىز بولعان سوڭ ايەل پوليتسەيلەردەن كومەك سۇراعان.
شاقىرتۋ بويىنشا وقيعا ورنىنا №1 ۋچاسكەلىك پۋنكتىنىڭ ينسپەكتورلارى كەلىپ, ازاماتشادان ءمان-جايدى ناقتىلاپ, ونىڭ جۇرگەن جولى بويىنشا ىزدەۋ جۇمىستارىن جۇرگىزدى. ناتيجەسىندە جارتى ساعاتقا جەتەر-جەتپەس ۋاقىت ىشىندە پوليتسيا قىزمەتكەرى نۇربول تولەندىباەۆ دۇكەندەردىڭ بىرىندەگى كرەسلونىڭ استىنان ءاميان تاۋىپ الىپ, ونى بارلىق زاتتارىمەن زاڭدى يەسىنە قايتارىپ بەردى.
