فوتو: jambyl_tjd
26 تامىزدا باۋىرجان مومىش ۇلى اتىنداعى ساياباقتا اشىلعان ەسكەرتكىشتىڭ سالتاناتتى راسىمىنە جامبىل وبلىسىنىڭ اكىمى نۇرجان نۇرجىگىتوۆ, م.ايمانوۆتىڭ تۋىستارى, ارىپتەستەرى, قالا تۇرعىندارى قاتىستى.
ايتا كەتسەك, ازاماتتىق قورعاۋ پولكوۆنيگى مەيىرجان ايمانوۆ وق-دارىلەر قويماسىنداعى ءورتى سوندىرۋگە قاتىسىپ, ءورت ءسوندىرۋ جۇمىستارىن باسقاردى جانە تىكەلەي اسكەري بولىمدە ازاماتتاردىڭ قازا بولۋىنىڭ الدىن الدى. جارىلىس جانە اۋقىمدى ءورت سالدارىنان ەرلىكپەن قازا تاپتى. م.ايمانوۆقا قايتىس بولعاننان كەيىن پرەزيدەنتتىڭ جارلىعىمەن «حالىق قاھارمانى» قۇرمەتتى اتاعى بەرىلدى جانە «وتان» وردەنىمەن ماراپاتتالدى.
سونداي-اق جامبىل وبلىستىق توتەنشە جاعدايلار دەپارتامەنتىنىڭ قىزمەتكەرلەرى ەكى جىل بۇرىن 26 تامىزدا بولعان وقيعا سالدارىنان قازا تاپقان مەيىرجان ايمانوۆ, الەكساندر ميكروپۋلو,
سەرگەي زايكين, تاڭىربەرگەن تورەبەكوۆ,
جانىبەك تۇرمانوۆ, عافان قۋاتبەك, ارنۇر تەمىربولاتوۆ, ارنۇر سەرىك ۇلى, ءالىبي كەڭەس, ەلدوس ساندىباەۆ ەسىمدى ارىپتەستەرىن ساعىنىشپەن ەسكە الىپ, ەستەلىكتەرىن بولىستى.
«بۇل ءورت سوندىرۋشىلەردىڭ ومىرىندەگى سوڭعى كەزەكشىلىك بولدى. ولاردىڭ ارقايسىسى ۇيگە امان-ەسەن ورالادى دەگەن سەنىممەن قىزمەتكە كەتتى. بىراق وكىنىشكە قاراي, ءبىزدىڭ 48 قىزمەتكەرىمىز ءارتۇرلى دارەجەدە جاراقات الىپ, 10-ى قازا تاپتى. 10 قاھارمان, 10 ءورت ءسوندىرۋشى, 10 كەرەمەت ادام ەندى ءبىزدىڭ ەسىمىزدە ماڭگىلىك ساقتالادى», دەپ جازدى وبلىستىق تجد ءباسپاسوز قىزمەتى.
