تامىلجىعان تامىز ايىندا استانالىق تسيركتىڭ مانەجىندە قازاقستان, اقش, فرانتسيا, موڭعوليا, قىرعىزستان, وزبەكستان, رەسەي, بەلارۋس, ۆەنگريا, قىتاي, بولگاريا, يزرايل, ياكۋتيا, گەرمانيا, تاجىكستان ەلدەرىنىڭ ەڭ مىقتى ارتىستەرى كەزدەستى. بايقاۋعا قاتىسقانداردىڭ ونەرىن بۇگىنگى تسيرك وندىرىسىندەگى تانىمال مادەني تۇلعالار باعالادى. قازىلار القاسىنىڭ قۇرامىنا «استانالىق تسيركتىڭ» باس ديرەكتورى ەرىك جولجاقسىنوۆ, مونتە-كارلوداعى حالىقارالىق تسيرك فەستيۆالىنىڭ ۆيتسە-پرەزيدەنتى ۋرس پيلز, يتالياداعى حالىقارالىق تسيرك فەستيۆالىنىڭ پرەزيدەنتى فابيو مونتيكو, Firebird Productions Ltd (اقش) جەتەكشىسى پەتر دۋبينسكي, تسيرك ونەرىنىڭ ۇلتتىق ورتالىعى مەن بۋداپەشت قالاسىنداعى استانالىق تسيركتىڭ ديرەكتورى پيتەر فاكەتە, CirqueD Hiver Bouglione پرەزيدەنتى ودەتتە بۋگليونە, بەلارۋس مەملەكەتتىك تسيركىنىڭ ديرەكتورى ۆلاديمير شابان, تاجىكستان مەملەكەتتىك تسيركىنىڭ ديرەكتورى بيحتيەر راحماتۋللوزودا, ساحا رەسپۋبليكاسى مەملەكەتتىك تسيركىنىڭ ديرەكتورى سەرگەي راستورگۋەۆ, قازان مەملەكەتتىك تسيركىنىڭ ديرەكتورى ەلميرا بۋلاتوۆا, موڭعوليا تسيركىن دامىتۋ ورتالىعىنىڭ پرەزيدەنتى ەردەنە نۋرگۋي, ماسكەۋدىڭ تسۆەتنوي بۋلۆارىنداعى نيكۋلين تسيركى ديرەكتورىنىڭ گاسترولدەردى ۇيىمداستىرۋ مەن شەتەلدەرمەن جۇمىس جونىندەگى ورىنباسارى الەكساندر وگۋرتسوۆ, الماتىداعى قازاق مەملەكەتتىك تسيركىنىڭ ديرەكتورى ماقسات جايىقوۆ, وزبەكستان مەملەكەتتىك تسيركىنىڭ ديرەكتورى رۋستام ماجيدوۆ بار.
قازاق مەملەكەتتىك تسيركىنىڭ تالانتتى ارتىستەرى جەڭىمپاز اتانۋ ءۇشىن «ازيا جاڭعىرىعىنىڭ» وزگە قاتىسۋشىلارىمەن بىرگە كاسىبي دايىندىقتىڭ تەڭدەسسىز ۇلگىسى مەن بيىك دەڭگەيدەگى ونەر ورنەگىن كورسەتتى.
