فوتو: newsroom.kz
قارجىلىق مونيتورينگ اگەنتتىگى اتىراۋ وبلىسى بويىنشا ەكونوميكالىق تەرگەپ-تەكسەرۋ دەپارتامەنتىندە «QazHome» قارجى پيراميداسىن ۇيىمداستىرۋ دەرەگى انىقتالدى.
«اتىراۋدا قارجى پيراميداسىن قۇرعان تۇلعالار اشكەرەلەندى.
ولار «QazHome» تۇتىنۋ كووپەراتيۆى قۇرىپ, جەكە جانە زاڭدى تۇلعالاردىڭ اقشاسىن نەمەسە وزگە دە مۇلكىن تارتۋدان, كەيبىر قاتىسۋشىلاردىڭ اكتيۆتەرىن قايتا بولۋدەن, باسقالاردىڭ جارنالارى ەسەبىنەن كىرىس الۋ قىزمەتىن ۇيىمداستىرعان. اتالعان قىلمىستىق ءىستى اتىراۋ وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ قىزمەتكەرلەرى تەرگەپ, تەكسەردى.
تەرگەۋ بارىسىندا انىقتالعانداي, كووپەراتيۆ قىزمەتىنە 296 سالىمشى تارتىلعان. سالىمشىلاردىڭ تەك 35-ءى عانا شاعىمدانىپ, ارىز جازدى. ارىزدار بويىنشا زالال سوماسى 49 ملن تەڭگەدەن اسادى» دەپ حابارلادى اگەنتتىكتىڭ ءباسپاسوز قىزمەتى.
قازىرگى ۋاقىتتا قىلمىستىق ءىس سوتقا جىبەرىلدى.
