كەزدەسۋ كەزىندە وڭىردەگى وزەكتى ماسەلەلەر جانە الەۋمەتتىك-ەكونوميكالىق احۋال, سونداي-اق وبلىس بيۋدجەتىنىڭ ورىندالۋى جونىندەگى ەسەپ تالقىلاندى.
دەپۋتات سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتى ءوڭىر تۇرعىندارىنىڭ ءومىر ءسۇرۋ ساپاسىن ارتتىرۋ ماسەلەسى بويىنشا ىنتىماقتاستىق ورناتۋعا دايىن ەكەنىن جەتكىزدى. سونىمەن قاتار سەناتور اقتوبە قالاسىنىڭ قىسقى جىلىتۋ ماۋسىمىنا دايىندىق بارىسىمەن, قاندىاعاش اۋدانىنداعى جاڭا دەنەشىنىقتىرۋ-ساۋىقتىرۋ كەشەنىنىڭ جانە اۋداندىق اۋرۋحانانىڭ جۇمىسىمەن تانىستى.
* * *
پارلامەنت ءماجىلىسىنىڭ دەپۋتاتى, «اقجول» فراكتسياسىنىڭ جەتەكشىسى ازات پەرۋاشەۆ قورعانىس جانە شارۋاشىلىق ماقساتىنداعى ونىمدەر شىعاراتىن «زەنيت» كاسىپورنىندا بولدى.
بەس جۇزگە جۋىق ادام جۇمىس ىستەيتىن زاۋىت بۇگىندە كاسپي تەڭىزىندەگى شەكارا قىزمەتىندە جۇرگەن كەمەلەردى قۇراستىرادى. دەپۋتات كاسىپورىن تسەحتارىنداعى جۇمىستارمەن تانىسىپ, ۇجىم قىزمەتكەرلەرىنىڭ سۇراقتارىنا جاۋاپ بەردى. زاۋىت قىزمەتكەرلەرى كاسىپوداققا مۇشەلىككە ءوتۋ پروبلەماسىن قوزعادى. ەڭبەك قاۋىپسىزدىگىن قامتاماسىز ەتۋ, قىزمەتكەرلەردىڭ الەۋمەتتىك-ەڭبەك قۇقىقتارىن قورعاۋ, جالاقىسىن كوتەرۋ بويىنشا ءبىراز ماسەلە كوتەرىلدى. ازات پەرۋاشەۆ بۇل جايتتاردى مۇقيات زەرتتەپ, زاڭنامالىق تۇرعىدا قولداۋ كورسەتۋگە دايىن ەكەنىن جەتكىزدى.
سونىمەن قاتار ءماجىلىس دەپۋتاتى پارلامەنتتە قابىلدانىپ جانە قارالىپ جاتقان زاڭدارعا, ەڭبەك قاۋىپسىزدىگىن قامتاماسىز ەتۋ باعىتىنداعى دەپۋتاتتاردىڭ ۇسىنىستارىن ايتىپ, جان-جاقتى ءتۇسىندىرىپ بەردى.
* * *
ءماجىلىس دەپۋتاتى, «Amanat» پارتياسى فراكتسياسىنىڭ مۇشەسى بولاتبەك ناجمەتدين ۇلى شىمكەنت قالاسىنىڭ تۇرعىندارىمەن كەزدەستى.
دەپۋتات پوليتسيا دەپارتامەنتىنىڭ ۇجىمىمەن جۇزدەسىپ, جەدەل باسقارۋ ورتالىعىنىڭ جۇمىسىمەن تانىستى. شىمكەنتتە قىلمىس دەڭگەيىن جانە توتەنشە جاعدايلار قاۋپىن ازايتۋ بويىنشا ارنايى ءىس-شارالار قولعا الىنعان. وسى رەتتە شاھاردا «قاۋىپسىز قالا» باعدارلاماسى ءساتتى جۇزەگە اسىرىلىپ كەلەدى. سونىمەن قاتار «قاۋىپسىز مەكتەپ» باعدارلاماسى اياسىندا 186 مەملەكەتتىك جانە جەكەمەنشىك مەكتەپتەردە 3,3 مىڭنان استام بەينەباقىلاۋ كامەراسى ورناتىلدى. ونىڭ 2,5 مىڭعا جۋىعى اتالعان ورتالىققا قوسىلعان. تاعى 260-قا جۋىعى جەراستى وتكەلدەرىندە, دەنساۋلىق ساقتاۋ نىساندارىندا, ساۋدا ورتالىقتارىندا, دۇكەندەر مەن بازارلاردا قويىلعان. بەينەباقىلاۋ كامەرالارىنىڭ كومەگىمەن بيىلعى جەتى ايدا شىمكەنتتە 300-گە جۋىق قىلمىس اشىلىپ, 33 مىڭنان استام اكىمشىلىك قۇقىق بۇزۋشىلىق انىقتالدى.
دەپۋتات زاڭنامالىق دەڭگەيدەگى وزگەرىستەردى ەسكەرە وتىرىپ, وسى كولىك تۇرلەرىنە باقىلاۋدى كۇشەيتۋ قاجەتتىگىنە نازار اۋداردى. سونداي-اق بولىنگەن قاراجاتتى ءتيىمدى پايدالانۋ جانە جۇمىس ساپاسىن ارتتىرۋ ماسەلەسىنە ەرەكشە توقتالدى.
* * *
سىر وڭىرىنە ساپارى بارىسىندا پارلامەنت ماجىلىسىندەگى «Amanat» پارتياسى فراكتسياسىنىڭ مۇشەسى مۇرات ابەنوۆ شيەلى اۋدانى تۇرعىندارىمەن كەزدەسىپ, سايلاۋالدى باعدارلامانىڭ جۇزەگە اسۋ بارىسىمەن تانىستى.
دەپۋتاتپەن كەزدەسۋگە جۇزدەن استام ازامات كەلدى. ولار بالالاردى مەكتەپكە دايارلاۋعا بەرىلەتىن قارجىلاي كومەكتىڭ ءادىل بولىنبەۋى, كوپبالالى وتباسىنان شىققان جانە الەۋمەتتىك از قامتىلعان بالالاردى مەكتەپتە ىستىق تاماقپەن قامتاماسىز ەتۋ, مەديتسينا سالاسىنداعى الەۋمەتتىك قىزمەتكەرلەردىڭ, پسيحولوگتەردىڭ جالاقىسىنىڭ تومەندىگى, ءبىلىم بەرۋ فورماتىنىڭ وزگەرۋى, مىندەتتى الەۋمەتتىك مەديتسينالىق ساقتاندىرۋ قورىنا اۋدارىپ وتىرعان قارجىنى ءتيىمدى پايدالانۋ جونىندە ۇسىنىس-پىكىرلەرىن ورتاعا سالدى. ماسەلەن, اۋىل تۇرعىنى ايناگۇل زايروۆا بالا كۇتىمىنە وراي ەكى نەمەرەسىنە مەكتەپكە دايارلاۋعا بەرىلەتىن 40 مىڭ تەڭگەنى الا الماي وتىرعانىن اتاپ ءوتتى. ونىڭ ايتۋىنشا, قىزى ءۇش بالاسىمەن قولىندا وتىر, ەكەۋى مەكتەپتە وقيدى.
ازاماتتاردىڭ پىكىرىن نازارعا العان مۇرات ابەنوۆ بۇل ماسەلەلەر بويىنشا ءتيىستى مينيسترلىكتەرگە ۇسىنىس بەرەتىنىن ايتتى.
* * *
ءماجىلىس دەپۋتاتتارى, «Amanat» پارتياسى فراكتسياسىنىڭ مۇشەلەرى ەركىن ءابىل مەن ەكاتەرينا سمىشلياەۆانىڭ قوستاناي وبلىسىندا جۇمىس ساپارىمەن باردى. دەپۋتاتتار مەكتەپ جاسىنداعى بالالارعا ارنالعان سمارت-ورتالىقتىڭ جۇمىسىمەن تانىسىپ, باسقا دا نىسانداردى ارالادى.
«يۋبيلەينىي» شاعىن اۋدانىندا سالىنىپ جاتقان سمارت-ورتالىق ءوڭىردىڭ جول كارتاسىنا ەنگىزىلگەن. نىسان 600-دەن استام وقۋشىعا ارنالعان. مۇندا روبوتتەحنيكا جانە باعدارلامالاۋ كابينەتتەرىن, كيبەرسپورت زالى, لاندشافتى ديزاين ستۋدياسى جانە باسقا دا باعىتتار بويىنشا زەرتحانالار اشۋ جوسپارلانعان. سونىمەن قاتار ماجىلىسمەندەر Tele2/Altel ۇيالى بايلانىس وپەراتورلارىنىڭ 5G جاڭا بۋىنىنىڭ بازالىق بايلانىس ستانساسىنا باردى. وبلىستىق اقپاراتتاندىرۋ باسقارماسىنىڭ باسشىسى ازامات قاشيەۆ دەپۋتاتتاردى جاقىندا ىسكە قوسىلعان جاڭا بايلانىس مۇناراسىمەن تانىستىردى. ەندى قالادا Tele2 جانە Altel ۇيالى بايلانىس پايدالانۋشىلارى ءۇشىن 5G بايلانىسى قولجەتىمدى.
بۇدان كەيىن قوستاناي وبلىسىنداعى اۋىلداردى بايلانىسپەن قامتاماسىز ەتۋ ماسەلەلەرى بويىنشا كەزدەسۋ ءوتتى. جيىنعا ءماجىلىس جانە وبلىستىق ءماسليحات دەپۋتاتتارى, اقپاراتتاندىرۋ باسقارماسىنىڭ وكىلدەرى, سونداي-اق ۇيالى بايلانىس وپەراتورلارى قاتىستى.
