سىرتقى ىستەر مينيسترلىگىنىڭ رەسمي وكىلى ايبەك سمادياروۆ وڭتۇستىك كورەيادا اۆتوبۋس جۇرگىزۋشىسىنە شابۋىل جاساعان قازاقستان ازاماتى ول ەلگە قانداي سەبەپپەن بارعانىن ايتتى.
«وقيعا جايلى كەشە حابار الدىق. ءمان-جايىن انىقتاپ كوردىك. ول سول ەلدە كۇيەۋىمەن بىرگە ءبىراز جىلدان بەرى تۇرىپ كەلەدى, سول جاقتا كاسىبىن اينالدىرىپ جۇرگەن. وعان ەتنيكالىق كۋالىك بەرىلدى. سوندىقتان ول ەتنيكالىق كارىس بولىپ سانالادى», دەدى سىرتقى ىستەر مينيسترلىگىنىڭ رەسمي وكىلى بۇگىنگى بريفينگ بارىسىندا.
ايبەك سمادياروۆتىڭ ايتۋىنشا, وڭتۇستىك كورەيادا ۇستالعان قازاقستان رەسپۋبليكاسىنىڭ ازاماتى 2020 جىلدان بەرى مامانداندىرىلعان اۋرۋحانادا ەمدەلىپ جۇرگەن. ول بۇل ەرسى ارەكەتتى سول ءدارى-دارمەكتىڭ اسەرىنەن جاساۋى مۇمكىن.
«ول وڭتۇستىك كورەيادا ەمدەلىپ جۇرگەن. بىرەر كۇندە وعان كونسۋل بارادى. جاعدايدى باقىلاۋدا ۇستايمىز», دەپ تۇيىندەدى سپيكەر.
