اۋستريادا قازاق اۋەنى قالىقتادى

فەستيۆال ساحناسىندا مادەنيەت سالاسىنىڭ ۇزدىگى داستان كورەگەننىڭ جەتەكشىلىگىندەگى «الاتاۋ» فولك­لورلىق ءانسامبلى, مادەنيەت سالاسىنىڭ ۇزدىكتەرى وڭال ازاماتوۆا, جاناتبەك كادىروۆ جانە جاندوس وما­روۆ ونەر كورسەتتى. مادەني بايقاۋدى 100 مىڭ كورەرمەن تاماشالاپ, 40-قا جۋىق مەملەكەتتەن 3000-عا جۋىق ونەرپاز قاتىستى.

قازاقستاننىڭ اۋستريا رەسپۋب­ليكاسىنداعى, سلوۆەنيا رەسپۋبلي­كا­سىنداعى توتەنشە جانە وكىلەتتى ەل­شىسى, ۆەنا قالاسىنداعى قازاقستان رەسپۋبليكاسىنىڭ حالىقارالىق ۇيىم­دار جانىنداعى تۇراقتى وكىلى الىبەك باقاەۆ جامبىل وبلىسى اكىمدىگىنىڭ مادەنيەت, ارحيۆتەر جانە قۇجاتتا­ما باسقارماسىنىڭ باس­شىسى ەرلان جۇنىسبايعا, ك.ازىر­باەۆ اتىنداعى جامبىل وبلىستىق فيلار­مونياسىنىڭ ديرەكتورى سەيىتقاسىم تۇكتىباەۆقا العىس ءبىلدىرىپ, ونەر­پاز­داردى دا ماراپاتتادى.

سونداي-اق فيلارمونيا ونەر­پاز­دارى 78-ءداستۇرلى فەستيۆالدىڭ جابىلۋىنا ارنالعان «ۇلتتىق كيىمدەر شەرۋىنە» قاتىستى. دەرەكتەرگە سەنسەك, مادەني ءىس-شارانى 150 مىڭ كورەرمەن تاماشالاعان.

شەرۋگە كوك بايراعىمىزدى جەل­بى­رەتىپ, ەلىمىز اتىنان قاتىس­قان ك.ازىرباەۆ اتىنداعى جامبىل وبلىس­تىق فيلارمونياسى «اتامەكەن», ء«وز ەلىم» جانە حالىق اندەرى مەن ءان­ۇران­دى ورىندادى.