وسىنىڭ سالدارىنان الىپ-ساتارلاردى دەر كەزىندە قۇرىقتاۋ قۇقىق قورعاۋ ورگاندارى قىزمەتكەرلەرىنە قيىندىق تۋعىزىپ جاتىر. وسى رەتتە «جاستار رۋحى» جاستار قاناتى ەسىرتكى جارنامالارىن وشىرۋگە جاردەمدەسىپ جاتىر. ناتيجەسىندە, جارتى جىلدا 4 مىڭنان اسا ەسىرتكى-گراففيتيلەر جويىلىپتى.
«Amanat» پارتياسى جانىنداعى «جاستار رۋحى» جاستار قاناتىنىڭ «ەسىرتكىگە جول جوق» جوباسى وڭىرلەردە تۇراقتى وتكىزىلەدى. استانا قالاسىنىڭ بەلسەندىلەرى دە تۇرعىن ءۇي الاپتارى ماڭىنداعى ءارتۇرلى مەكەنجاي مەن كۇدىكتى جازۋلاردى بويادى. پارتيالىقتار يگى ناۋقاندى الدىمەن ەلوردانىڭ وڭ جاعالاۋىنان باستادى.
– ەسىرتكى – قازىرگى زاماننىڭ ەڭ قيىن دا كۇردەلى قاۋىپتەرىنىڭ ءبىرى. ەسىرتكىنىڭ, ونىڭ ىشىندە سينتەتيكالىق ەسىرتكىنىڭ تارالۋى بولاشاق ۇرپاقتىڭ ءال-اۋقاتىنا قاۋىپ توندىرەتىنى بارشامىزعا بەلگىلى. عاسىر دەرتىمەن كۇرەسۋدە «جاستار رۋحى» جاستار قاناتىنىڭ تاراپىنان جان-جاقتى جۇمىس جۇرگىزىلىپ كەلەدى. جىل باسىنان بەرى جۇرگىزىلگەن ارنايى رەيدتەردە بارلىق 20 وڭىردە 1 000-نان اسا ەرىكتىنىڭ قاتىسۋىمەن 4 000-نان اسا گراففيتي انىقتالىپ, جويىلدى. ءدال وسىنداي اكتسيا استانا قالاسىندا ءوز جالعاسىن تاپتى. استانا جاستارىنىڭ كومەگىمەن تىيىم سالىنعان سايتتار بەلگىلەنگەن جازۋلاردى بوياۋ جۇمىستارىن جۇرگىزدىك, – دەدى جاستار قاناتىنىڭ توراعاسى نۇرجان جەتپىسباەۆ.
جاستارمەن بىرگە اكتسياعا سالاماتتى ءومىر سالتىن ناسيحاتتاۋشى, Street Workout Kazakhstan نەگىزىن قالاۋشىلاردىڭ ءبىرى ايتىم جاقىپوۆ پەن دجيۋ-دجيتسۋدان الەم چەمپيونى ۆاسيلي تاحتاي قاتىستى.
– بۇل – ءبىزدىڭ رۋحتاستارمەن بىرگە جۇرگىزگەن كەزەكتى رەيد. اكتسيا بارىسىندا ەسىرتكىلەر مەن جۇيكەگە اسەر ەتكىش ونىمدەر تاراتۋمەن اينالىساتىن سايتتاردىڭ مەكەنجايلارى كورسەتىلگەن جارنامالاردى انىقتاپ, ونى جويۋدامىز. ءبىر قۋانتارلىعى, سپورتقا قىزىعىپ, سپورتپەن شۇعىلداناتىن جاستار سانى ارتىپ كەلەدى, ياعني قازىرگى جاستار سالاماتتى ءومىر سالتىن تاڭدايدى, – دەدى ا. جاقىپوۆ.
ەلىمىزدە ناشاقورلىقتىڭ الدىن الۋ جۇيەسىن جەتىلدىرۋگە, ناشاقورلاردى ەمدەۋگە جانە ەسىرتكىگە تاۋەلدى ادامداردى وڭالتۋ جۇيەسىن دامىتۋعا, سونداي-اق سالاارالىق ءوزارا ءىس-قيمىلدى كۇشەيتۋگە نازار اۋدارىلىپ وتىر. وسى ءىس-شارالاردى ىسكە اسىرۋعا بيۋدجەتتەن 53,1 ملرد تەڭگە ءبولۋ كوزدەلگەن.
