«قايتىس بولعان جاسوسپىرىمگە وق تيگەنى انىقتالدى. وق اتقان مىلتىق ۇستالعانداردىڭ ءبىرىنىڭ اكەسىنە تيەسىلى. قازىرگى ۋاقىتتا 9 كۇدىكتى ۋۇي-عا قامالدى, بۇل فاكت قر قك 99-بابى 9-تارماعىنىڭ 2-بولىگى 14-تارماعى بويىنشا اۋداندىق پوليتسيادا تىركەلدى جانە سوتقا دەيىنگى تەرگەۋ باستالدى», دەدى الماتى وبلىسى پد باستىعى باۋىرجان الەنوۆ.
تۇنگى ساعات 12-دە جاستار اراسىندا توبەلەس بولىپ, قاتىسۋشىلاردىڭ بىرىنە وق ءتيىپ, قايتىس بولعانى انىقتالدى. وبلىستىق پد باستىعىنىڭ ايتۋىنشا, قازىرگى ۋاقىتتا سوت-مەديتسينالىق ساراپتاما تاعايىندالىپ, بارلىق قاجەتتى تەرگەۋ شارالارى جۇرگىزىلۋدە.
«باسقا قاتىسۋشىلارعا قاتىستى قر قك 293 - بابى بويىنشا قىلمىستىق ءىس قوزعالدى», دەپ ناقتىلادى الەنوۆ.
ەسكە سالا كەتسەك, 5 تامىزدا الماتى وبلىسى ەڭبەكشىقازاق اۋدانى بايدىبەك بي اۋىلىنداعى ۇيلەردىڭ ءبىرىنىڭ اۋلاسىندا 17 جاستاعى ءجاسوسپىرىمنىڭ ءمايىتى تابىلدى.
