پاتسيەنت مەديتسينالىق كومەككە جۇگىنگەن كەزدە ونىڭ دارىگەرگە دەگەن سەنىمى ۇلكەن ءرول اتقارادى. دەرتىنە داۋا ىزدەگەن جانعا جەكە ءارى قۇپيا مەديتسينالىق اقپاراتتى اشۋدان باستاپ, دارىگەرلىك تەكسەرۋلەردەن وتۋگە جانە ۇسىنىلعان ەم-دومعا دەيىنگى ۇدەرىستەردىڭ ءار كەزەڭىندە مىقتى سەنىم قاجەت. وسى رەتتە ولاردىڭ سەنىمىنە اسەر ەتەتىن ەڭ ماڭىزدى فاكتورلار اتاپ وتكەنىمىز ءجون.
ءبىرىنشىسى – حاباردار بولۋ جانە سەنىم. ەگەر ەمدەلۋشى دارىگەردى ءوزىن بىلەدى جانە جاعدايىمەن جاقسى تانىس دەپ ەسەپتەسە, وندا مەديتسينا قىزمەتكەرىنە تولىقتاي سەنەدى. بۇل پاتسيەنتتەردىڭ قۇپيا اقپاراتقا كوبىرەك سەنۋىنە جانە ولاردى ءساتتى ەم ءۇشىن تولىق بويۇسىنۋلارىنا الىپ كەلۋى مۇمكىن.
ەكىنشىسى – مادەني قۇزىرەتتىلىك. الەۋمەتتىك-مادەني دەتەرمينانتتار پاتسيەنتتەردىڭ سەنىمىندە ماڭىزدى ءرول اتقاراتىنى كورسەتىلگەن. كوپتەگەن ەمدەلۋشىلەر ەگەر ماماندار مادەني ماسەلەلەردە ساۋاتتى بولسا جانە ولاردىڭ شىعۋ تەگى, جەكە باسى, ومىرلىك تاجىريبەسى نەمەسە تىلدەرى ورتاق بولسا, سەنۋگە بەيىم بولادى دەيدى. ولار ءۇشىن قاۋىپسىز جانە جايلى جاعداي جاساي الاتىنىنا جانە ولاردىڭ ماسەلەلەرىنە بايىپتى قارايتىندىعىنا سەنىم ارتا الادى.
ءۇشىنشىسى – ءتيىمدى قارىم-قاتىناس داعدىلارى. كۇشتى تۇلعاارالىق داعدىلار قارىم-قاتىناس ورناتۋ ءۇشىن وتە ماڭىزدى.
ءتورتىنشىسى – سىيلاستىق جانە قۇپيالىلىق. ەگەر پاتسيەنتتەر دارىگەرلەر ولاردى قۇرمەتتەيدى, جاناشىرلىق تانىتادى جانە ماسەلەلەرىنە شىنايى قامقورلىق جاسايدى دەپ سەنسە, وندا ماماندى بايىپتى قابىلداۋعا جانە ولاردىڭ ايتقانىن تىڭداۋعا دايىن دەگەن ءسوز. سونداي-اق ولار ءوزى تۋرالى اقپاراتىڭ تولىق قۇپيا ساقتالاتىندىعىنا سەنىمدى بولسا, سوعۇرلىم كوبىرەك سەنىم ارتادى.
مەديتسينالىق ساۋاتتىلىق ايتۆ-نى انىقتاۋ, ەمدەۋ ءۇشىن ماڭىزدى جانە ۇزاقمەرزىمدى, سەنىمدى قارىم-قاتىناسقا نەگىز بولادى. دەرتتىڭ الدىن الۋدىڭ سەنىمگە نەگىزدەلگەن بولىمدەرىنىڭ ءبىرى – ايتۆ-ينفەكتسياسى ورتالىعىنىڭ سەنىم پۋنكتى. سەنىم پۋنكتتەرى ءوز قىزمەتتەرىن ەرىكتىلىك, قۇپيالىلىق جانە انونيمدىك قاعيداتتارى اياسىندا اقىسىز نەگىزدە ۇسىنادى.
سەنىم پۋنكتتەرى ايتۆ-نىڭ ينەكتسيالىق ەسىرتكىنى تۇتىنۋشىلار (يەت) اراسىندا تارالۋىنىڭ الدىن الۋ جۇمىستارىن جۇزەگە اسىرادى:
1) يەت ستەريلدى شپريتستەردى, دەزينفەكتسيالاۋ زاتتارىن, ساقتىق قۇرالدارىن, سانيتارلىق-اعارتۋ ادەبيەتتەرىن, پايدالانىلعان شپريتستەردى جيناۋ مەن كادەگە جاراتۋدى ۇسىنۋ;
2) يەت ايتۆ-ينفەكتسياسى, بەي-بەرەكەت توسەك قاتىناستارى ارقىلى جۇعاتىن ينفەكتسيالار, ايتۆ جۇقتىرۋ قاۋپىن تومەندەتەتىن مىنەز-ق ۇلىق نىساندارى, ايتۆ-عا تەستىلەۋ تۋرالى اقپارات بەرۋ;
3) ايتۆ/جيتس ماسەلەلەرى بويىنشا پسيحوالەۋمەتتىك كونسۋلتاتسيا, سونداي-اق ناركولوگتەردىڭ, دەرماتوۆەنەرولوگتەردىڭ, تەراپەۆتەردىڭ, فتيزياترلاردىڭ جانە پسيحولوگتەردىڭ كونسۋلتاتسيالارىن جۇرگىزۋ;
4) مامانداندىرىلعان, بىلىكتى مەديتسينالىق كومەك الۋ ءۇشىن يەت-ءتى مەملەكەتتىك مەديتسينالىق ۇيىمدارعا جىبەرۋ;
5) يەت-گە پروفيلاكتيكالىق جانە وزگە دە كومەك كورسەتەتىن مەملەكەتتىك جانە ۇكىمەتتىك ەمەس ۇيىمداردا بار اقپارات بەرۋ;
6) ايتۆ, ججبي, ۆ جانە س ۆيرۋستىق گەپاتيتتەرىنە زەرتتەۋ ءۇشىن قان الۋ.
سەنىم پۋنكتتەرىنە جۇمىسقا ەرىكتىلەر تارتىلادى, ولار ءوز ەركىمەن يەت-كە كومەك كورسەتەدى. انونيمدىلىكتى, قۇپيالىلىقتى, قايتالانۋ ىقتيمالدىعىن بارىنشا ازايتۋدى جانە قالپىنا كەلتىرۋدىڭ جەڭىلدىگىن قامتاماسىز ەتۋ ماقساتىندا سەنىم پۋنكتى كليەنتىنىڭ بىرەگەي سايكەستەندىرۋ كودى قولدانىلادى.
استانا قالاسىندا سەنىم پۋنكتتەرى مىنا مەكەنجاي بويىنشا جۇمىس ىستەيدى: ي.ەسەنبەرلين 5/1, تەل: 8 (7172) 27-95-04; ە.برۋسيلوۆسكي 4, تەل: 8 (7172) 42-80-92.
قىمبات ساپابەكوۆا,
«الدىن الۋ ورتالىعى» مكقك
استانا قالاسى اكىمدىگىنىڭ ايتۆ ينفەكتسياسى»
سەنىم پۋنكتىنىڭ مەدبيكەسى
