قالالىق جوسپارلاۋ جانە ۋربانيستيكا باسقارماسىنىڭ باسشىسىنا جەر ۋچاسكەلەرىن بەرۋ جانە وبەكتىلەردىڭ قۇرىلىسىن كەلىسۋ كەزىندە لاۋازىمدىق وكىلەتتىكتەرىن اسىرا پايدالاندى دەگەن ايىپ تاعىلىپ وتىر.
«ول جەكە تۇرعىن ءۇي قۇرىلىسىنا ارنالعان جەر ۋچاسكەلەرىندە, نىسانالى ماقساتىنا قاراماستان جانە قۇرىلىستىڭ تىعىزدىعىن ەسكەرمەي, جەكەلەگەن قۇرىلىس كومپانيالارىنىڭ مۇددەسى ءۇشىن 2020-2023 جىلدارى 3 كوپپاتەرلى تۇرعىن ءۇي كەشەنىنىڭ قۇرىلىسىن زاڭسىز كەلىسكەن. ناتيجەسىندە مەملەكەتكە 307 ملن تەڭگەدەن استام سوماعا جەر ۋچاسكەلەرىنىڭ تولەنبەگەن كاداسترلىق قۇنى تۇرىندە زالال كەلتىرىلدى», دەلىنگەن رەسمي حابارلامادا.
بۇدان باسقا, 2020 جىلى مەديتسينالىق ورتالىق پەن حقكو-نىڭ قۇرىلىسىن زاڭسىز كەلىسە وتىرىپ (ينۆەستيتسيالىق جوبالاردى ىسكە اسىرۋ تۇرىمەن), مۇددەلى تۇلعالاردىڭ جەكە مەنشىگىنە جەر ۋچاسكەلەرىن تومەن قۇنى بويىنشا ودان ءارى نەگىزسىز بەرۋگە ىقپال ەتتى. شىعىن 180 ملن تەڭگەنى قۇرادى.
سوتتىڭ سانكتسياسىمەن كۇدىكتى قاماۋعا الىندى.
سوتقا دەيىنگى تەرگەپ-تەكسەرۋ امالدارى جالعاسىپ جاتىر, باسقا لاۋازىمدى ادامداردىڭ قاتىستىعى دا تەكسەرىلۋدە.
قىلمىستىق-پروتسەستىك كودەكسىنىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
