امەريكالىق ارىپتەستەرمەن ەكىجاقتى وتكەن كەزدەسۋدە تاراپتار كەڭەيتىلگەن ستراتەگيالىق سەرىكتەستىكتى ودان ءارى جان-جاقتى نىعايتۋ بويىنشا ءوزارا باعىتتى راستادى. اق ۇيدە جانە مەملەكەتتىك دەپارتامەنتتە وتكەن كەلىسسوزدەر ساياسات, قاۋىپسىزدىك جانە ساۋدا سالاسىنداعى ەڭ وزەكتى ماسەلەلەر بويىنشا ساياسي ديالوگتى ودان ءارى جانداندىرۋعا ەكى جاقتىڭ مۇددەلى ەكەنىن راستادى.
كەزدەسۋلەردە قازاقستان دەلەگاتسياسىنىڭ مۇشەلەرى امەريكالىق ارىپتەستەرىنە پرەزيدەنت قاسىم-جومارت توقاەۆتىڭ باستاماسىمەن جۇرگىزىلىپ جاتقان رەفورمالارى تۋرالى اڭگىمەلەپ بەردى. سونىڭ ىشىندە زاڭسىز يەمدەلىنگەن اكتيۆتەردى مەملەكەتكە قايتارۋ تۋرالى زاڭ جونىندە اقپارات بەردى. دەموكراتيالىق رەفورمالاردىڭ ۋاقتىلى جۇرگىزىلگەنىن قۇپتاي وتىرىپ, امەريكالىق تاراپ ولاردى قولدايتىنىن جانە ءىس جۇزىندە جۇزەگە اسىرۋعا كومەكتەسۋگە دايىن ەكەنىن مالىمدەدى.
قازاقستان دەلەگاتسياسى يادرولىق قارۋسىزدانۋ جانە تاراتپاۋ سالاسىنداعى كوشباسشى ەكەنىنە نازار اۋداردى. كەلىسسوزدەر بارىسىندا مەملەكەت باسشىسىنىڭ حالىقارالىق بيولوگيالىق قاۋىپسىزدىك اگەنتتىگىن قۇرۋ تۋرالى باستاماسىن جۇزەگە اسىرۋ تاسىلدەرى تالقىلاندى.
سونىمەن قاتار كونگرەسس مۇشەلەرىمەن, ونىڭ ىشىندە وكىلدەر پالاتاسىنىڭ سىرتقى ىستەر كوميتەتىنىڭ توراعاسى مايكل ماككوللمەن, «قازاقستان دوستارى» كونگرەسىندەگى كوكۋستىڭ تەڭ توراعالارى دجيممي پانەتتا, روبەرت ادەرحولتپەن كەزدەسۋ ءوتتى. كەلىسسوزدەر بارىسىندا باستى نازار قازاقستان مەن امەريكا قۇراما شتاتتارى اراسىنداعى تۇراقتى قالىپتى ساۋدا قاتىناستارىن ورناتۋعا, دجەكسون-ۆەنيك تۇزەتۋىنىڭ كۇشىن جويۋ ۇدەرىسىن بەلسەندىرۋ ماسەلەسىنە نازار اۋدارىلدى. تاراپتار پارلامەنتارالىق بايلانىستاردى دامىتۋدىڭ ماڭىزى تۋرالى ورتاق پىكىرگە كەلدى.
سونداي-اق KazAID-ءتىڭ USAID-پەن سەرىكتەستىگىنىڭ الەۋەتىن اتاپ وتكەن ءجون. اگەنتتىك باسشىلىعىمەن كەزدەسۋدە تاراپتار ترانسكاسپي باعىتىن دامىتۋعا جانە قازاقستانداعى ەنەرگەتيكالىق كوشۋگە قىزىعۋشىلىق تانىتتى. دەلەگاتسيا مۇشەلەرى سونىمەن قاتار جەتەكشى امەريكالىق وي-تالقى ورتالىقتارى جانە ۇكىمەتتىك ەمەس ۇيىمداردىڭ وكىلدەرىمەن بىرقاتار كەزدەسۋ وتكىزدى.
