«زاڭسىز يەمدەنىلگەن اكتيۆتەردەن تۇسكەن قارجى ۇلتتىق قوردىڭ ەسەپشوتىنا اۋدارىلعانى دۇرىس دەپ ەسەپتەيمىن. ءبىز سونىڭ ارقاسىندا ۇلتتىق قورىمىزدى ەسەلەيمىز. مەملەكەت باسشىسى 100 ملرد دوللاردان اسىرۋ كەرەك دەگەن مەجە قويعان ەدى. ەگەر وسى قاراجاتتى وسى ۇلتتىق قوردىڭ شوتىنا اۋداراتىن بولساق, سول مەجەگە تەز-اق جەتەتىن بولامىز.
كوپتەگەن زاڭدى قابىلداۋعا ۇلەس قوسقان دەپۋتاتتاردان ول اقشانىڭ قايدا جۇمسالاتىنىن سۇراعانمىن, ولار حالىقتىڭ ەكونوميكالىق جاعدايىن جاقسارتۋعا باعىتتاۋعا, ءومىر ءسۇرۋ ساپاسىن جوعارىلاتۋعا باعىتتالادى دەگەن پىكىردى العا تارتتى. ارينە, ادامي فاكتور بولعاندىقتان قارجى تالان-تاراجعا ۇشىراپ كەتپەي مە دەگەن سۇراق تۋىندايدى.
سوندىقتان بۇل ۇلتتىق قوردىڭ ەسەپشوتىنا تۇسسە, بىرىنشىدەن ۇلتتىق بانكتىڭ قاداعالاۋىندا بولادى.
ەكىنشىدەن, ۇلتتىق قوردىڭ كولەمىن ۇلعايتامىز.
ۇشىنشىدەن, ۇلتتىق قوردىڭ ينۆەستيتسيالىق كىرىسى دە ەسەلەنەتىن بولادى. بۇل دەگەنىمىز بولاشاق ۇرپاققا بەرىلەتىن قاراجاتتىڭ كولەمىن ۇلعايتامىز دەگەن ءسوز», دەپ تۇيىندەدى ماقسات حالىق.
