قازىرگى كەزدە ستانتسيانىڭ مونتاجداۋ جۇمىستارى مەن گيدرو سىناق جۇمىستارى اياقتالعان. ال قازىر تولىق ىسكە قوسۋ ءۇشىن تەستىلەۋ جۇمىستارى ءوتىپ جاتىر.
جوسپار بويىشا سۋ بەرۋدىڭ ەكىنشى كەزەڭى تامىز ايىندا باستالادى. سول كەزدە 100 مىڭ تەكشە مەترگە دەيىن سۋ بەرىلەدى دەپ جوسپارلانىپ وتىر.
قالا اكىمدىگى وسىعان دەيىن قالادا سۋ قۇبىرىنىڭ قۇرىلىسى اياقتالىپ, ىسكە قوسىلعانىن, بۇل سۋدىڭ قىسىمىن ارتتىرۋعا جانە جۇيەنىڭ تۇراقتىلىعىن قامتاماسىز ەتۋگە مۇمكىندىك بەرگەنىن ايتتى.
«نۇرا جەراستى سۋ كەن ورنىنان سۋ قۇبىرىن جوبالاۋ جانە تەلمان ەلدى مەكەنىندەگى سورعى-سۇزگى قۋاتىن كەڭەيتۋ اياقتالىپ جاتىر. بۇل جوبالار كەلەشەكتە استانانى اۋىز سۋمەن قامتاماسىز ەتۋ بويىنشا قوسىمشا قۋات بەرەدى», دەپ قوستى اكىمدىك وكىلدەرى.
سونداي-اق قالانى جىلۋمەن جابدىقتاۋدىڭ قوسىمشا كولەمىمەن قامتاماسىز ەتۋ ءۇشىن ەكى گاز جىلۋ ستانتسياسىنىڭ («تۇران», «وڭتۇستىك-شىعىس») قۇرىلىسى ءجۇرىپ جاتىر. ايتا كەتسەك, جەو-3-تە جۇمىس جۇرگىزىلىپ جاتىر, ونىڭ قۇرىلىسى كەشىكتىرىلدى. بۇل نىسانداردى جاڭا جىلىتۋ ماۋسىمىنا دەيىن اياقتاۋ جوسپارلانىپ وتىر.
