مەملەكەت باسشىسى قاسىم-جومارت توقاەۆ مەديا سالاسى وكىلدەرىنىڭ بəسەكەگە قابىلەتىن ارتتىرۋ مəسەلەسىنە ايرىقشا كوڭىل ءبولىپ, تۇركىستاندا وتكەن ۇلتتىق قۇرىلتايدا يدەولوگياعا قاتىستى ءبىراز ماڭىزدى مəسەلەنى اتاپ كورسەتكەن ەدى. سونىڭ ىشىندە اقپارات سالاسىنا ەرەكشە توقتالدى.
«ماسس-مەديا – ەلىمىزدى جاڭعىرتۋ ىسىنە ەرەكشە ىقپال ەتەتىن سالا. سونداي-اق بيلىك پەن قوعام اراسىنداعى پارمەندى بايلانىس قۇرالى. اقپارات قۇرالدارىندا ءتۇرلى كوزقاراستار توعىسادى. ونى قوعام تىنىسىنىڭ بارومەترى دەۋگە بولادى. وسى سالاداعى وزەكتى ماسەلەلەردى شەشۋ ءۇشىن اقپارات ساياساتىن تۇبەگەيلى قايتا قاراۋ قاجەت», دەدى پرەزيدەنت.
كۇنى كەشە مەملەكەت باسشىسى باق سالاسىنداعى پرەزيدەنت سىيلىقتارىن, گرانتتارىن جانە العىسىن سالتاناتتى تۇردە تابىستادى. جيىن بارىسىندا مەديا سالاسىنىڭ جاڭا مىندەتتەرىن اتاپ ءوتتى.
پرەزيدەنتتىڭ پىكىرىنشە, مەملەكەت, مەديا جانە قوعام اراسىنداعى كەلىسىم ادىلەتتى قازاقستاننىڭ بەرىك ىرگەتاسىنا اينالۋعا ءتيىس. سونداي-اق بۇل كەلىسىم اشىقتىق, سەنىم جانە ادالدىق قاعيدالارىنا نەگىزدەلۋى قاجەت ەكەنىنە ەكپىن بەردى. ءار ازامات, ءار مامان ءوز ىسىنە ادال بولسا, سوندا عانا قوعامنىڭ سەنىمى ارتادى. ال سەنىم مەن ادالدىق – ادىلەتتى قوعامنىڭ باستى قۇندىلىقتارى.
«بۇقارالىق اقپارات قۇرالدارى قوعامدىق سانانى جاڭعىرتىپ, ۇلتتىڭ جاڭا ساپاسىن قالىپتاستىرۋدا باستى ءرول اتقارۋى قاجەت. ماسس-مەديانىڭ اقپارات كەڭىستىگىندە وزىق يدەيالار مەن كوزقاراستاردى ىلگەرىلەتۋدە مۇمكىندىگى مول. سوندىقتان جۋرناليستەردىڭ قوعامدا ەڭبەك پەن كاسىبيلىك كۋلتىنىڭ ورنىعۋىنا, ازاماتتاردىڭ بويىندا ءوز ەلىنىڭ تاعدىرىنا دەگەن جاۋاپكەرشىلىك سەزىمىن قالىپتاستىرۋعا اتسالىسۋى ماڭىزدى», دەدى ق.توقاەۆ.
پرەزيدەنت ازاماتتاردىڭ اقپاراتتى ەركىن الۋى, پىكىرىن اشىق جەتكىزۋى, وي ەركىندىگى ادىلەتتى قازاقستاننىڭ ايقىن كورىنىسى ەكەنىنە توقتالدى. مەملەكەت باسشىسىنىڭ ايتۋىنشا, ەلىمىزدە قالامىن قارۋىنا اينالدىرعان تىلشىلەر از ەمەس. كەيدە ولاردىڭ جازعان ماقالاسىنان, دايىنداعان رەپورتاجىنان كەيىن وزەكتى ماسەلەلەر جەدەل تۇردە شەشىمىن تاۋىپ جاتادى. ونداي تىلشىلەردى ادال ازاماتتار دەسەك, ارتىق بولمايدى.
«بۇل ءان بۇرىنعى اننەن وزگەرەك» دەمەكشى, بيىلعى كاسىبي مەرەكە بۇرىنعىدان وق بويى وزىق تۇر دەسەك قاتەلەسپەيمىز. جۋرناليستەر كۇنى قارساڭىندا مەديا سالاسىنىڭ ءبىر توپ قىزمەتكەرى مەملەكەت قولداۋىمەن باسپانالى بولدى. وسىلايشا, مەملەكەت باسشىسىنىڭ اتىنان بۇقارالىق اقپارات قۇرالدارى قىزمەتكەرلەرىنىڭ كۇنى قارساڭىندا 65 پاتەردىڭ كىلتى تابىستالدى. ماراپاتتالعانداردىڭ قاتارىندا جۋرناليستەر, رەجيسسەرلەر, مونتاجەرلەر, وپەراتورلار جانە باسقا دا ماماندىق يەلەرى بار.
كəسىبي مەرەكە قارساڭىندا باسپانالى بولعان باق وكىلدەرىنىڭ قاتارىندا «قازاق گازەتتەرى» جشس-نىڭ 3 قىزمەتكەرى بار. ارىپتەستەرىمىز – «Egemen Qazaqstan» گازەتى مəدەنيەت جəنە əدەبيەت ءبولىمىنىڭ مەڭگەرۋشىسى جولدىباي بازار, رەداكتسيا قىزمەتكەرى ريزا اباي, «كازاحستانسكايا پراۆدا» گازەتىنىڭ ءجۋرناليسى لاۋرا تۇسىپبەكوۆاعا پاتەر بۇيىردى.
سونداي-اق بيىل تاعى ءبىر ارىپتەسىمىز, «كازاحستانسكايا پراۆدا» گازەتىنىڭ ءتىلشىسى گالينا ۆولوگودسكايا مەملەكەت باسشىسىنىڭ باق سالاسىنداعى سىيلىعىن يەلەندى.
بۇدان بولەك, پارلامەنت سەناتىنىڭ «پاراسات» بايقاۋىندا «ۇزدىك تالدامالىق ماتەريالى» ءۇشىن «Egemen Qazaqstan» گازەتى ساياسات جانە قۇقىق ءبولىمىنىڭ مەڭگەرۋشىسى قالماحانبەت مۇقامەتقالي توپ جاردى.
سونىمەن قاتار «Amanat» پارتياسى بۇقارالىق اقپارات قۇرالدارى قىزمەتكەرلەرى كۇنى قارساڭىندا جۋرناليستەر اراسىنداعى «Amanat» – 2023 مەديا سىيلىعىن» تابىستادى. جەڭىمپازدار قاتارىندا «Egemen Qazaqstan» گازەتىنىڭ اقمولا وبلىسىنداعى مەنشىكتى ءتىلشىسى بايقال ءبايəدىل دە بار. ارىپتەسىمىز ماعجان جۇماباەۆ اتىنداعى ء«سوز زەرگەرى» سىيلىعىنىڭ يەگەرى اتاندى. سونداي-اق بايقال ءبايəدىل اقمولا وبلىستىق «التىن قالام» بايقاۋىنىڭ جۇلدەسىن قانجىعاسىنا بايلادى.
ۇلىتاۋ وبلىسى اكىمىنىڭ بۇقارالىق اقپارات قۇرالدارى قىزمەتكەرلەرىنە ارنالعان «Ular» سىيلىعىنىڭ « ۇلىتاۋ وبلىسى جۋرناليستيكاسىن دامىتۋعا قوسقان ۇلەسى ءۇشىن» اتالىمىندا ارىپتەسىمىز ابدوللا داستان جەڭىسكە جەتتى. ول «Egemen Qazaqstan» گازەتىنىڭ ۇلىتاۋ وبلىسىنداعى مەنشىكتى ءتىلشىسى بولىپ قىزمەت اتقارادى. سونداي-اق گازەتتىڭ شىعىس قازاقستان وبلىسىنداعى مەنشىكتى ءتىلشىسى مەرەي قاينار ۇلى وبلىس اكىمىنىڭ سىيلىعىنا يە بولسا, اباي وبلىسىنداعى ءتىلشىمىز ءساتجان قاسىمجان ۇلى جۋرناليستەر وداعىنىڭ قۇرمەت گراموتاسىمەن, سولتۇستىك قازاقستان وبلىسىنداعى مەنشىكتى ءتىلشى جاقسىباي سامرات اقپارات جانە قوعامدىق دامۋ مينيسترلىگىنىڭ «ەڭبەك ارداگەرى» مەدالىمەن ماراپاتتالدى.
ايتپاقشى, «Egemen Qazaqstan» گازەتى باس رەداكتورىنىڭ ورىنباسارى بانۋ ءادىلجان, عىلىم جانە ءبىلىم ءبولىمىنىڭ اعا ءتىلشىسى ازامات ەسەنجول, رەداكتسيا قىزمەتكەرى باقىتجامال قايىپجانوۆا, باسىلىمنىڭ قىزىلوردا وبلىسىنداعى مەنشىكتى ءتىلشىسى مۇرات جەتپىسباي اقپارات جانە قوعامدىق دامۋ مينيسترلىگىنىڭ «اقپارات سالاسىنىڭ ۇزدىگى» توسبەلگىسىن يەلەندى.
وسى ورايدا الاش ارداقتىسى مىرجاقىپ دۋلات ۇلىنىڭ «قاي ەلدىڭ ءباسپاسوزى كۇشتى بولسا, سول ەلدىڭ بولاشاعى مىقتى» دەگەن ءسوزى ويعا ورالادى. مەديا سالاسىنىڭ كۇش-قۋاتى قايتسە ارتادى؟ البەتتە, جەتكىلىكتى دەڭگەيدە قولداۋ تاۋىپ, قارجىلىق تۇرعىدان قيىندىق كورمەگەندە مۇنداي جاعداي ورنايدى. ەندەشە, مەملەكەت تاراپىنان جۋرناليستەرگە كورسەتىلىپ جاتقان ءتۇرلى دەڭگەيدەگى ماراپاتتار مەن سىيلىقتار «ارقالاعانى – التىن, جەگەنى – جانتاق» قاۋىمنىڭ شابىتىن شىڭداپ قانا قويماي, الەۋمەتتىك ماسەلەسىن شەشۋگە دە مول ۇلەس قوسادى.
كوپ ادام قازاقستان مەديا كەڭىستىگىن باتىسپەن سالىستىرىپ جاتاتىنى بار. ءسويتىپ, دامىعان ەلدە بيلىك جۋرناليسكە سىيلىق بەرمەيدى دەپ ەلىمىزدە قالىپتاسقان ءداستۇردى سىنعا الادى. بىراق بۇل ەلىمىزدەگى جۋرناليستيكانىڭ احۋالىن تۇسىنبەۋدەن تۋعان ۇشقىر وي دەسەك قاتەلەسپەيمىز. ويتكەنى قازاقستاندىق, اسىرەسە قازاق ءتىلدى جۋرناليستەر اۋديتورياسىنىڭ اۋقىمى كەڭ ەمەس. سول سەبەپتى باتىستاعىداي تەك جارنامامەن كۇنەلتەتىندەي مۇمكىندىگى جوق. ەكىنشىدەن, حالىق سانى قازاقستانمەن شامالاس, رەسمي ءھام مەملەكەتتىك ءتىلىنىڭ تارالۋ اۋقىمى ۇقساس ەلدەردە بيلىك تاراپىنان مەديا سالاسىنا كوپتەگەن قولداۋ كورسەتىلەدى.
