الدىن الا ايتا كەتەيىك, سيقىرلى تاياق شەبەرلەرى سىن ساتتە ۇيىمشىلدىق تانىتىپ, وڭىردەگى تابيعات اپاتىنان زارداپ شەككەندەرگە 600 مىڭ تەڭگەدەن استام كومەك كورسەتتى. سادىبەك تۇگەل باسقاراتىن «الەم قىراندارى» بىرلەستىگى مەن ءتۋرنيردى ۇيىمداستىرۋ كوميتەتىنىڭ توراعاسى ساتبەك راقىشەۆ جىگەرلىلىك پەن قايتپاس قايسارلىقتىڭ ۇلگىسىن كورسەتكەن سەمەيلىك ءورت سوندىرۋشىلەر مەن وبلىس تۇرعىندارىنا ريزاشىلىقتارىن ءبىلدىردى.
بىرنەشە توپقا ءبولىنىپ, ونەر كورسەتكەن بيليارد سپورت شەبەرلەرىنىڭ ونەرىن تاماشالاۋعا كەلگەندەر «اباي ارەنا» جابىق سپورت كەشەنىن لىق تولتىردى. كوماندالىق ەسەپتە «استانا قىراندارى-1» كومانداسى باس جۇلدە جانە 1 ميلليون تەڭگەنىڭ سەرتيفيكاتىن جەڭىپ الدى. ەكىنشى جانە ءۇشىنشى ورىنداردى شىمكەنتتىڭ «تۇران», شىعىس قازاقستان وبلىسىنىڭ «اساۋ ەرتىس» كوماندالارى يەلەندى. ولار تيىسىنشە 700 مىڭ جانە 400 مىڭ تەڭگە سىياقى مەن اباي وبلىسى اكىمىنىڭ العىس حاتىنا يە بولدى.
50 جاستاعىلار اراسىندا م.كارباەۆ, ە.تىنىسباەۆ, ۆ.پينيگين العاشقى ۇشتىكتى تۇيىندەدى. ال 63 جاستاعىلار اراسىندا ك.زەكەنوۆ, ن.رىجيح, ۆ.پىلەۆ جۇلدەلى ورىنداردى ءوزارا ءبولىستى.
وڭداسىن ەلۋباي,
«قازاقستاننىڭ قۇرمەتتى سپورت قايراتكەرى»
سەمەي
