فوتو: Depositphotos.com
ماماندار بۇل قۇبىلىستىڭ پلانەتامىزعا ىقپال ەتۋى مۇمكىن ەكەنىن تەرىسكە شىعارمايدى.
استرونومداردىڭ مالىمەتىنشە, جارقىل استانا ۋاقىتىمەن ساعات 8:19-دا بولعان. بۇل – اقپان ايىنان بەرى العاش رەت تىركەلگەن وسىنداي دەڭگەيدەگى بەلسەندىلىك. سونىمەن قاتار, سوڭعى ەكى تاۋلىكتە كۇندەگى ەكىنشى ءىرى وقيعا بولىپ وتىر, بۇعان دەيىن 28 ناۋرىزدا ءدال وسىلاي پلازما لاقتىرىلعان ەدى.
عارىشتان الىنعان دەرەكتەرگە سۇيەنسەك, پلازمانىڭ نەگىزگى بولىگى جاناما باعىتتا قوزعالىپ بارادى. دەگەنمەن, ونىڭ جەرگە قاتىستى ىعىسۋ بۇرىشى شامامەن 40° بولعاندىقتان, بۇلتتىڭ شەتكى بولىكتەرى پلانەتامىزعا جەتۋى ىقتيمال.
كۇن بەتىندە الاپات جارىلىس تۋدىرا الاتىن ەنەرگيا جيناقتالىپ جاتقان بولۋى مۇمكىن
مامانداردىڭ بولجامىنشا, پلازمانىڭ ىقتيمال اسەرى 1-2 ءساۋىر ارالىعىندا سەزىلۋى مۇمكىن. بۇل كەزەڭ NASA-نىڭ ايعا ۇشاتىن كەمەسىنىڭ جوسپارلانعان ۇشىرىلىمىمەن تۇسپا-تۇس كەلەدى.
عالىمدار مۇنداي قۇبىلىستار گەوماگنيتتىك جاعدايعا اسەر ەتىپ, بايلانىس جۇيەلەرى مەن ناۆيگاتسيالىق قۇرىلعىلاردىڭ جۇمىسىنا ۋاقىتشا وزگەرىستەر ەنگىزۋى مۇمكىن ەكەنىن ايتادى.
كۇن بەتىندە اۋقىمدى جارىلىس بولدى
