اكتۋاري – قارجىلىق قاۋىپسىزدىك, تاۋەكەلدەردى باعالاۋ جانە ماتەماتيكالىق تۇرعىدان نەگىزدەلگەن ساقتاندىرۋ, قارجىلىق, ينۆەستيتسيالىق, الەۋمەتتىك جانە زەينەتاقى سحەمالارىن ازىرلەۋ, ساقتاندىرۋ وقيعالارىنىڭ, اۋرۋلار مەن ولىمدەردىڭ, تابيعي اپاتتار مەن اپاتتاردان بولاتىن زالالداردىڭ ىقتيمالدىعىن انىقتاۋ ماقساتىندا ستاتيستيكالىق تالداۋ مىندەتتەرىن شەشەتىن اكتۋارلىق ەسەپ ايىرىسۋ, ەكونوميكا جانە قارجى سالاسىنداعى مامان.
كەلىسىمنىڭ ماقساتى − «نارحوز» ۋنيۆەرسيتەتى 20 جىل بويى ىسكە اسىرىپ كەلە جاتقان جانە FIBAA حالىقارالىق اگەنتتىگىنىڭ قولداۋىنا يە بولعان «قولدانبالى قارجى» باعدارلاماسى شەڭبەرىندە ساقتاندىرۋ سەكتورىنىڭ بىلىكتى اكتۋاريلەرگە دەگەن قاجەتتىلىگىن قاناعاتتاندىرۋ. سونىڭ ارقاسىندا وسى باعدارلاما تۇلەكتەرىنىڭ ديپلومدارى بۇكىل ەۋروپالىق جوعارى ءبىلىم كەڭىستىگىندە تانىلادى.
قول قويىلعان قۇجات شەڭبەرىندە اگەنتتىك قىزمەتكەرلەرى قاتارىنان كاسىبي مامانداردىڭ ءدارىس جانە پراكتيكالىق ساباقتار وتكىزۋگە قاتىسۋىن قامتاماسىز ەتۋگە جاردەمدەسەتىن جانە وندىرىستىك پراكتيكادان ءوتۋ ءۇشىن ورىندار بەرەدى.
ساقتاندىرۋ تولەمدەرىنە كەپىلدىك بەرۋ قورى اكتۋاريلەردى دايارلاۋعا جانە قايتا دايارلاۋعا مۇددەلى قور اكتسيونەرلەرى اتىنان ۇيلەستىرۋشى بولادى.
ەلىمىزدەگى قارجى سەكتورى ماماندارىن دايارلاپ وتىرعان «نارحوز» ۋنيۆەرسيتەتى پرەزيدەنتى ميراس داۋلەنوۆ «اكتۋاري» ءبىلىم بەرۋ باعدارلاماسى بويىنشا وقيتىن ستۋدەنتتەردىڭ بولاشاعى زور ەكەنىن جانە بۇل كەلىسىم «نارحوز» بەن قارجى رەتتەۋشىسىنىڭ ىنتىماقتاستىعىنىڭ ءبىرىنشى كەزەڭى عانا ەكەنىن اتاپ ءوتتى.
شەتەلدە اكتۋاري ماماندىعى ەڭ جوعارى اقى تولەنەتىن جانە بەدەلدى ماماندىقتاردىڭ بىرىنە جاتادى. قازاقستاندا ساقتاندىرۋ نارىعى دامىعان سايىن ەكونوميكانىڭ ساقتاندىرۋ جانە قارجى سەكتورلارىندا اكتۋاري ماماندىعىنا سۇرانىس ارتىپ كەلەدى. اكتۋاريلەر ينۆەستيتسيالىق قىزمەتتەر كورسەتۋ, تاۋەكەلدەردى باعالاۋ, زەينەتاقى جانە الەۋمەتتىك قامسىزداندىرۋ سالاسىندا دا سۇرانىسقا يە.
بۇگىنگى كۇنى نارىقتا 58 ليتسەنزيالانعان اكتۋاري قىزمەتىن جۇزەگە اسىرىپ ءجۇر.
اكتۋاري ماماندىعىن دامىتۋ جانە كادر ساپاسىن جاقسارتۋ ساقتاندىرۋ سەكتورىنىڭ تۇراقتىلىعى مەن ورنىقتىلىعىن ارتتىرۋعا تىكەلەي اسەر ەتەدى.
