بۇل رەتتە ناتاليا گودۋنوۆا ەكولوگيا مينيسترلىگىنىڭ ءاۋديتى اياقتالعانىن اتاپ ءوتتى. 16 ماۋسىمدا اۋديت قورىتىندىلارىن قاراۋ بويىنشا وتىرىس وتەدى.
«مەنىڭ ويىمشا, وتىرىس بارىسىندا تاعى ءبىر قوسىمشا اۋديت جۇرگىزۋ ماسەلەسى تالقىلانادى. ايتا كەتسەم, تجم بويىنشا ءالى اياقتالماعان تەكسەرۋ بار. بىلتىر قوستاناي وبلىسىندا, بيىل اباي وبلىسىندا بولعان ورتتەر كەزىندە تجم مەن ەكولوگيا مينيسترلىگى ءتيىستى شارا قابىلداماعانىن ەسكەرە وتىرىپ, ءبىز قانداي دا ءبىر شەشىمگە كەلەمىز», دەپ تۇيىندەدى ناتاليا گودۋنوۆا.
سوڭعى مالىمەتتەر بويىنشا, اباي وبلىسىندا 60 مىڭ گەكتار ورمان ورتەندى. ءورت ءبىر اپتادان كەيىن عانا وقشاۋلاندى. قايعىلى وقيعا سالدارىنان «سەمەي ورمانى» رەزەرۆاتىنىڭ 14 قىزمەتكەرى كوز جۇمدى. كەيىن قۇتقارۋشىلار ءورت ءسوندىرۋ جۇمىستارى كەزىندە حابار-وشارسىز كەتكەن تراكتورشى سەرگەي ارحيپوۆتىڭ ءمايىتىن دە تاپتى. بۇل رەتتە قالىڭ جۇرت تجم مەن ەكولوگيا مينيسترلىگىن قاتاڭ سىنعا الدى. ال ورمانشىلىق وقيعانىڭ الدىن الۋ ءۇشىن قاجەتتى تەحنيكامەن جابدىقتالماعانى بەلگىلى بولدى.
