«Egemen Qazastan» گازەتىنىڭ تىلشىسى ساندىبەك ءاسانالى «ۇشقىش بولۋ وڭاي ما؟» ماقالاسىندا حالىقارالىق تالاپقا ساي مامان دايارلاۋعا قاتىستى ماسەلە قوزعادى.
اۆتوردىڭ جازۋىنشا, كادر دايارلاۋعا بايلانىستى 90 سۇراق بولسا, ونىڭ ناقتى 20-سى اكادەميانىڭ جۇمىسىنا قارايدى. دەمەك, وسى تالاپتىڭ جۇيەلى ورىندالۋىن دا ەل ەكىمەتى قاداعالايدى.
«بۇگىندە ءبىز يكاو-نىڭ وزىمىزگە جۇكتەلگەن تالابىنا ساي مامان دايارلاۋىمىز قاجەت. اتالعان ۇيىمعا 192 مەملەكەت قارايدى. سونىڭ ىشىندە ءبىز دە اۋە قاتىناسىن ەۋروپا ستاندارتتارىنا ساي ۇيلەستىرمەسەك بولمايدى. ءبىز 2016 جىلدان بەرى وسى تالاپقا ساي بولۋىمىز كەرەك دەپ مەجەلى مىندەت قويدىق. بىزدەگى اۋە كومپانيالار ەۋروپا تالابىنا ساي جۇمىس ىستەيدى. بۇل دەگەنىڭىز ءبىز دە اكادەميا تۇلەكتەرىن حالىقارالىق تالاپقا ساي دايارلاۋىمىز كەرەك دەگەندى ۇقتىرادى. ەندى اكادەميا نە ىستەپ جاتىر, دەگەن سۇراققا توقتالايىق. ءبىزدىڭ قۇجاتتارىمىز, وقۋلىقتارىمىز ەۋروپا تاجىريبەسىنەن الىنعان. ستۋدەنتتەردى تالاپقا ساي وقىتامىز. بىراق «Air Astana» اۋە كومپانياسى ۇشقىشتاردى دايارلاۋ ءۇشىن سول ەۋروپا وداعىنىڭ اۋديتىنا ءوتۋ تۋرالى تالاپ قويادى. ال وعان وتۋگە ءبىرىنشى ۋاقىت, ەكىنشى قاراجات كەرەك», دەيدى ازاماتتىق اۆياتسيا اكادەمياسىنىڭ رەكتورى بەكەن سەيداحمەتوۆ.
بۇل بۇرىننان بار ماسەلە. مىسالى, 2012 جىلى ەلىمىز «ەۋروپا تالابىنا سايكەس مامان دايارلاۋ كەرەك» دەپ ۇرانداتقان ەدى. ناتيجەسىندە وقۋ ورنىنىڭ باسشىلىعى 2015 جىلى اكادەميانىڭ ماتەريالدىق-تەحنيكالىق بازاسىن جاڭعىرتۋعا ۇكىمەتتەن 3,5 ملرد تەڭگە قاراجات سۇراعان. كوپ ۇزاماي اكادەميانىڭ جوعىن تۇگەندەۋگە 1,7 ملرد تەڭگە قارجى بولىنەدى. وعان وقۋ-جاتتىعۋعا ارنالعان 7 ۇشاق الىنىپ,ونىڭ التاۋى – ءبىر موتورلى, بىرەۋى – ەكى موتورلى ۇشاق بولسا, وسىعان قوسا Boeing, Airbus جاتتىعۋ ترەناجەرلەرى دە بار. ەندى اراعا 7 جىل سالىپ وسى ماسەلە قايتا قوزعالىپ وتىر. ويتكەنى بۇگىنگى دايارلاعان ۇشقىشتاردى «Air Astana», «SCAT» اۋە كومپانيالارى مويىندامايدى. ول ءۇشىن اكادەميا ەۋروپانىڭ ۇشۋ قاۋىپسىزدىك ءاۋديتىن ءوتىپ, سەرتيفيكات الۋى كەرەك.
ماقالا اۆتورىنىڭ پىكىرىنە سايكەس, تۇلەكتەردىڭ بىلىكتىلىگى حالىقارالىق تالاپتارعا ساي بولۋى ءۇشىن اكادەمياعا كەمى ينسترۋمەنتالدى ءۇش ۇشاق كەرەك. اكادەميانىڭ بالانسىنداعى قازىرگى ۇشاقتى تىزگىندەگەن ۇشقىشتار ۆيزۋالدى, ياعني توڭىرەكتەگى جاعدايدى كوزبەن باقىلاپ ۇشادى. ال اۋە كومپانيالارىنا كۇندىز دە, تۇندە دە ۇشاتىن ۇشقىشتار كەرەك.
