سقو پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ميچۋرين كوشەسىندە سينتەتيكالىق ەسىرتكىنى جاسىرىن جەرگە سالىپ جۇرگەن 22 جاستاعى ازاماتتى ۇستادى.
جىگىتتەن ۇنتاق تارىزدەس زاتپەن 36 پوليمەرلىك تۇيىنشەك تاركىلەندى. ساراپتاما قورىتىندىسىنا سايكەس, 21 تۇيىنشەكتە مەفەدرون پسيحوبەلسەندى زاتى, 15 داناسىندا «تۇز» دەپ اتالىپ جۇرگەن α-PvP زاتى بولعان. الىنعان زاتتاردىڭ جالپى سالماعى 28,08 گرامدى قۇرادى, بۇل اسا ءىرى مولشەرگە جاتادى.
اتالعان فاكتى قر قك-ءنىڭ 297-بابىنىڭ 3-بولىگى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىندە تىركەلدى. قازىرگى ۋاقىتتا ءىس ماتەريالدارى سوتقا جىبەرىلدى.
«جىل باسىنان بەرى وبلىستا ەسىرتكى ساتتى دەگەن كۇدىكپەن 35 ادام ۇستالدى. تاجىريبە كورسەتكەندەي, ورتا ەسەپپەن بەس ەسىرتكى تاراتۋشىنىڭ تورتەۋى سينتەتيكالىق ەسىرتكىمەن اينالىسادى. ەستەرىڭىزگە سالا كەتەيىك, قر قك-ءنىڭ 297-بابىنىڭ سانكتسياسىنا سايكەس وتكىزۋ ماقساتىندا ەسىرتكى ساقتاعانى ءۇشىن 10 جىلعا دەيىن, ءىرى مولشەردە – 12 جىلعا دەيىن, اسا ءىرى مولشەردە 15 جىلعا دەيىن باس بوستاندىعىنان ايىرۋ جازاسى كوزدەلگەن», دەدى سقو پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى يۆان تەرزيدي.
