ەلوردالىق ساياباقتا بۇلدىرشىندەرگە ارنالعان مەرەكەلىك ءىس-شارا ءوتتى

ءىس-شارانى ۇيىمداستىرۋعا اۋدان اكىمدىكتەرى عانا ەمەس, قالانىڭ وقۋ ورىندارى دا قاتىستى.

استانانىڭ مەنەدجمەنت, بيزنەس جانە ءبىلىم كوللەدجى بالالارعا ارناپ شاشتاراز, اكۆاگريم جانە پورترەت سالۋ بويىنشا شەبەرلىك سىنىبىن وتكىزدى.

«بۇگىن ءبىز بالالارعا ارنالعان شەبەرلىك سىنىپتارىن ۇسىنامىز.

بالالارعا اكۆاگريم, دەنەلەرىنە سۋرەت سالامىز.

سونداي-اق پورترەتتەر دە نازاردان تىس قالمادى.

ستۋدەنتتەرىمىز ءبارىن ورىندايدى. سونداي-اق «شاشتاراز ونەرى» ماماندىعىنىڭ قىزدارى شاش ءورۋ بويىنشا ماستەر-كلاسس كورسەتەدى. بۇل ءبىزدىڭ بالالارىمىزدىڭ كوڭىل كوتەرۋى ءۇشىن ۇيىمداستىرىلادى.

ونىڭ ۇستىنە قازىر ولار دەمالىسقا شىقتى.

ولار ءۇشىن بۇل وتە قىزىقتى بولماق. اتا-انالارمەن بىرگە وتباسىلىق سەرۋەندەر دە بار. ءىس-شارانىڭ وسىنداي اۋقىمىن ءاردايىم ۇيىمداستىرۋ كەرەك دەپ سانايمىن. سەبەبى بالا – ءومىردىڭ ءمانى.

ولار ءۇشىن ەرەسەكتەر تاراپىنان بولىنەتىن كوڭىل ماڭىزدى», دەدى مەكەمەنىڭ كاسىپتىك باعدار بەرۋ جانە كارەرالىق ءوسۋ بويىنشا جەتەكشىسى ەلميرا بارلىباەۆا.

سونداي-اق №1 ونەر مەكتەبى ساياباقتا كونتسەرت پەن پلەنەر ۇيىمداستىردى.

«№1 ونەر مەكتەبى بىرنەشە جەردە وتكىزەدى. تەاتر, كوركەم, ۆوكالدىق-اسپاپتىق ءبولىم بار.

كەز-كەلگەن ادام سۋرەت سالا الادى. ولاردىڭ اراسىندا اسفالتتاعى سۋرەتتەر بايقاۋى بولادى. بۇل – حالىقارالىق مەرەكە. ءبىز بالالاردى شىعارماشىلىققا قىزىقتىرۋىمىز كەرەك, ولارعا ۇلكەن كوڭىل ءبولۋىمىز قاجەت, وسىلايشا ولار بۇل مەرەكەدە ءوز تالانتتارىن پاش ەتەدى. ءارى ءوزارا باس قوسىپ, دوستاسىپ كەتەدى. بۇل وتە جاقسى مەرەكە.

ۇيىمداستىرۋشىلارعا – اكىمدىككە, ءبىلىم باسقارماسىنا العىسىمىز شەكسىز», دەدى كوركەمسۋرەت ءبولىمىنىڭ وقىتۋشىسى داۋرەن بەيسەنباەۆ.

ەلوردالىق ءبىلىم باسقارماسىنىڭ قوسىمشا ءبىلىم بەرۋ جانە تاربيە جۇمىسى ءبولىمىنىڭ باسشىسى گۇلفارا سارامبەتوۆانىڭ ايتۋىنشا, استانادا ءتۇرلى ورىنداردا 50-دەن استام ءىس-شارا ۇيىمداستىرىلادى.

«بۇگىن تاڭعى ساعات 10-نان باستاپ مەكتەپكە دەيىنگى ۇيىمداردا شارلار, سابىن كوپىرشىكتەرى بويىنشا فلەشموبتار باستالدى. سول سياقتى بالالار قالانىڭ سپورت الاڭدارىندا اتاقتى فۋتبولشىلارمەن بىرگە فۋتبول وينادى.

ساعات 12-دە ءبىز قالانىڭ بارلىق ساياباعىندا جاپپاي ءىس-شارالار وتكىزەمىز.

اۋدان اكىمدىكتەرىمەن بىرلەسىپ, وسى ماقساتتا دايىندىق جۇرگىزىلدى.

مۇندا قالا مەكتەپتەرى, كوللەدجدەر, مەكتەپكە دەيىنگى ۇيىمدار جانە قوسىمشا ءبىلىم بەرۋ ۇيىمدارى بار.

ەلوردالىق ساياباقتا سابىن كوپىرشىكتەرى شوۋى, ماستەر-كلاستار, انيماتورلار مەن تەاتر ۇجىمدارىن جۇمىلدىرا وتىرىپ, كونتسەرتتىك باعدارلاما ازىرلەندى. بىزگە اۋدان اكىمدىكتەرى تاراپىنان كومەك كورسەتىلدى.

مۇندا بىزدە كارتينالار كورمەسى وتكىزىلىپ, كونديتەرلىك ونىمدەر تاراتىلىپ جاتىر», دەدى ول.