پارتيا مۇشەلەرى سىي-سياپاتتارىن الىپ, استاناداعى «جانسايا» ورتالىعىندا وڭالتۋدان ءوتىپ جاتقان ەرەكشە قاجەتتىلىگى بار بالالاردى قۇتتىقتادى.
پارتيالىقتار ورتالىقتىڭ جۇمىسىمەن جانە مەديتسينالىق-الەۋمەتتىك قىزمەت كورسەتۋ ساپاسىمەن تانىسىپ, بالالارمەن اڭگىمەلەستى.
«ەرەكشە قاجەتتىلىگى بار بالالاردى قولداۋ – پارتيانىڭ «كەدەرگىسىز كەلەشەك» جوباسىندا جانە «حالىقپەن بىرگە!» سايلاۋالدى باعدارلاماسىندا قامتىلعان باسىم باعىتتاردىڭ ءبىرى. ماسەلەن, 2028 جىلعا دەيىن اۋتيزمگە شالدىققان بالالارعا ارنالعان ورتالىقتاردى, پاتولوگيانى ەرتەرەك انىقتاۋعا نەگىزدەلگەن ورتالىقتاردى اشۋ مىندەتى قويىلدى. ورتا مەكتەپتەردە ينكليۋزيا كابينەتتەرى اشىلادى. الداعى بەس جىلدا ءاربىر ءوڭىردى بالالار كۇتىمىنە ارنالعان قىمبات قۇرالدارمەن قامتاماسىز ەتۋ ءۇشىن وڭالتۋ تەحنيكالىق قۇرالدارى پاركى قۇرىلادى. ءبىزدىڭ ورتاق مىندەتىمىز – ءار كىشكەنتاي وتانداسىمىزدىڭ باقىتتى بالالىق شاعىن قامتاماسىز ەتۋ», دەپ اتاپ ءوتتى پارتيانىڭ اتقارۋشى حاتشىسى ەلنۇر بەيسەنباەۆ.
بۇل رەتتە الەۋمەتتىك قىزمەتتەر پورتالىنىڭ جۇمىسى ارنايى قۇرالداردىڭ ارزاندىعىنا ەمەس, ءبىرىنشى كەزەكتە ساپاسىنا نەگىزدەلەتىنىنە كەپىلدىك بەرەتىنىن ايتا كەتكەن ورىندى. سونداي-اق اماناتتىقتار از قامتىلعان وتباسىلارداعى بالالارعا جەكە جاردەماقى تاعايىنداۋدى جۇزەگە اسىرۋعا نيەتتى.
ايتا كەتسەك, «جاستار رۋحى» جاستار قاناتىنىڭ مۇشەلەرى بالالارعا ارناپ انيماتورلاردىڭ قاتىسۋىمەن مەرەكەلىك كونتسەرت ۇيىمداستىردى.
