كەزدەسۋ بارىسىندا ەكى ەل اراسىنداعى ستراتەگيالىق سەرىكتەستىكتى ودان ءارى نىعايتۋ, ساۋدا جانە ەكونوميكا, ينۆەستيتسيا, كولىك-لوگيستيكا, ەنەرگەتيكا سالالارىنداعى ىنتىماقتاستىقتى كەڭەيتۋ, سونداي-اق مادەني-گۋمانيتارلىق بايلانىستاردى تەرەڭدەتۋ ماسەلەلەرى قاراستىرىلادى.
سونداي-اق پرەزيدەنت 18 مامىردا قىتايدىڭ ءىرى كومپانيالارىنىڭ باسشىلارىمەن كەزدەسەدى جانە مەملەكەتتىك ساپار اياسىندا بىرقاتار شارا وتكىزەدى. وعان قوسا, پرەزيدەنت سيان قالاسىنداعى قۇرعاق پورتتا قازاقستاننىڭ لوگيستيكا ورتالىعىنىڭ ىرگەتاسىن قالاۋ راسىمىنە قاتىسادى.
مەملەكەت باسشىسى 19 مامىردا «ورتالىق ازيا – قىتاي» سامميتىنە قاتىسادى. سونىمەن قاتار پرەزيدەنت ەلىمىزدىڭ سيان قالاسىنداعى باس كونسۋلدىعىنىڭ سالتاناتتى تۇردە اشىلۋ راسىمىنە قاتىسادى دەپ جوسپارلانىپ وتىر.
