«جازۋشىلار وداعى - قازاق رۋحانياتىنىڭ قارا شاڭىراعى, ۇلت زيالىلارىنىڭ باسىن قوسقان بىرەگەي قۇرىلىم. عاسىرعا جۋىق تاريحى بار ۇيىمدا ءتول مادەنيەتىمىزدىڭ دامۋىنا ەرەكشە ەڭبەك سىڭىرگەن ءبىرتۋار تۇلعالارىمىزدىڭ ءىزى قالعان. جاڭا تولقىن سول ۇلىلارىمىزدىڭ ۇلاعاتتى جولىن لايىقتى جالعاستىرىپ كەلەدى.
…قالام - كيەلى قۇندىلىق. ءسوز قۇدىرەتى حالىقتى ىدىراتا دا, بىرىكتىرە دە الادى. ءبىز قازىرگى جاھاندانۋ داۋىرىندە وزگە وركەنيەتتەرگە جۇتىلىپ كەتپەي, ەگەمەن ەل ءارى دەربەس ۇلت رەتىندە ساقتالۋدىڭ قامىن ويلاۋىمىز كەرەك. سوندىقتان بارشا قالامگەرلەرىمىزدىڭ بىرلىكتى تۋ ەتىپ, ەل مۇددەسى جولىندا ۇلتتى ۇيىستىرۋعا ادال قىزمەت ەتۋى وتە ماڭىزدى.
بۇگىنگى القالى جيىندا سالماقتى وي, ساليقالى پىكىر ايتىلىپ, ءسوز زەرگەرلەرىنىڭ شىعارماشىلىعىنا تىڭ سەرپىن بەرەتىن جاڭا ۇردىستەرگە جول اشىلادى دەپ سەنەمىن», دەپ جازىلعان قۇتتىقتاۋ حاتتا.
سونداي-اق مەملەكەت باسشىسى بۇگىنگى جيىندا ءسوز ۇستاعان قاۋىم كەلەلى وي, سالماقتى پىكىر ايتادى دەگەن ءۇمىت بىلدىرگەن.
«ادەتتە «ادەبيەت - ادەپتەن باستالادى» دەگەن قاناتتى ءسوز بار. قالامگەر قاۋىمى كوپتەن كۇتكەن قۇرىلتايدىڭ ادەپ پەن ادىلەتتىڭ, پايىم مەن پاراساتتىڭ, بىرلىك پەن ءباتۋالى بايلامنىڭ باسالقالى باس قوسۋى بولادى دەپ سەنەمىز. قۇرىلتاي جۇمىسىنا ساتتىلىك تىلەيمىن!», دەپ جازدى مينيستر ءوزىنىڭ Facebook پاراقشاسىندا.
ايتا كەتەيىك, بۇگىن الماتىدا جازۋشىلار وداعىنىڭ حVI قۇرىلتايى ءوتىپ جاتىر.
