فوتو: Polisia.kz
جەرگىلىكتى پوليتسيانىڭ مالىمەتىنشە, ايەلدىڭ ءمايىتى قاردان تابىلعان, ونىڭ دەنەسىندە زورلىق-زومبىلىق بەلگىلەرى جوق. قازىر ءمايىت تابىلعان جەردە وقيعانىڭ ءمان-جايىن انىقتاۋ ماقساتىندا پوليتسيا قىزمەتكەرلەرى جۇمىس ىستەپ جاتىر.
ەسكە سالايىق, 16 ساۋىردە بەسقاۋعا اۋىلىنىڭ تۇرعىندارى ۆاز-2104 اۆتوكولىگىمەن دالا القابىندا جوعالىپ كەتكەن ءىرى قارا مالدى ىزدەۋگە كەتكەن بولاتىن. ساعات 19.00 شاماسىندا جۇبايى كولىككە ورالىپ, ايەلىن كۇتە باستادى. ايەلى ورالماعان سوڭ, ەر ادام پوليتسياعا جۇگىندى.
پوليتسيا جەدەل - ىزدەستىرۋ ءىس-شارالارىن جۇرگىزدى. ىزدەستىرۋ-قۇتقارۋ جۇمىستارىن جۇرگىزۋ ءۇشىن ءۇش تەحنيكا جۇمىلدىرىلدى. ءتورت ىزدەۋ توبى, ونىڭ ىشىندە ەكىباستۇز قالالىق پوليتسيا ءبولىمىنىڭ جەكە قۇرامى, تجم قىزمەتكەرلەرى, ەرىكتىلەر جانە جەرگىلىكتى تۇرعىندار بار. ىزدەۋ جاقىن ماڭداعى ەلدى مەكەندەردىڭ دالا القاپتارىندا جۇرگىزىلدى. باعدارلار بارلىق قالالىق جانە اۋداندىق پوليتسيا بولىمدەرىنە جىبەرىلدى.
