ءىس-شارادا اۆتور رومان مەلنيك حابارلاما جاساپ, جيىن قاتىسۋشىلارىنا جاڭا ەڭبەگىنىڭ مازمۇن مەن نەگىزگى ەرەجەلەرىنە شولۋ جاسادى. ءۇش تومدىق وقۋلىقتا قازاقستان رەسپۋبليكاسىنىڭ جالپى اكىمشىلىك قۇقىعىنىڭ نەگىزگى ەرەجەلەرى كورسەتىلىپ, قۇقىق قولدانۋ پراكتيكاسىنا باسا نازار اۋدارىلعان. تاريحي, حالىقارالىق جانە ۇلتتىق تاجىريبە ەرەكشەلىكتەرىنىڭ وبەكتيۆى ارقىلى جەكەلەگەن اكىمشىلىك-قۇقىقتىق نورمالارى مەن ينستيتۋتتارى جان-جاقتى تالدانىپتى.
جيىندا ۋنيۆەرسيتەت پرورەكتورى سەرگەي پەن ۇجىم ءۇشىن بۇل فورماتتاعى وقۋلىقتىڭ ماڭىزدىلىعىن ايتىپ, كەلەسى پروفەسسور ءمۇسلىم حاسەنوۆتىڭ ەڭبەك قۇقىعى بويىنشا تۋىندىنىڭ تۇساۋكەسەرىن جاريالادى.
– وقۋ وردامىز ۇزاق ۋاقىت بويى وقۋلىقتار شىعارمادى. بۇگىن ءبىز ءوزىمىزدىڭ كوزقاراسىمىز بەن تۇسىنىگىمىزدى ءسال وزگەرتىپ, كىتاپ شىعارۋ تاجىريبەمىزدى قايتا جانداندىردىق. Maqsut Narikbayev university برەندىمەن جۇرتشىلىققا جول تارتاتىن تۋىندىلار ءوز ءىسىنىڭ ەتيكاسىنىڭ جوعارى دەڭگەيىمەن تولىقتىرىلادى. وسى رەتتە ءبىز زاڭ عىلىمىنىڭ جاڭا ءبىر تىنىسىن اشتىق دەي الامىن, – دەدى ول.
كىتاپ زاڭ باعىتىنداعى جوعارى وقۋ ورىندارىنىڭ ستۋدەنتتەرىنە, زاڭ سالاسىنىڭ وكىلدەرىنە, سونداي-اق اكىمشىلىك قۇقىقتىق ماسەلەلەردى زەرتتەۋمەن اينالىساتىن عالىمدارعا ارنالعان.
