ەلەكترلى ساموكات – ەكى نەمەسە ءۇش دوڭعالاعى بار جەكە كولىك ءتۇرى. ورىندىقتارى جوق بۇل قۇرىلعى تەك ءبىر ادامنىڭ قوزعالىسىنا ارنالعان. ماكسيمالدى جىلدامدىعى ساعاتىنا 25 شاقىرىمنان اسپايدى.
ونىڭ الدىڭعى, بۇيىرلىك جانە ارتقى جارىق شاعىلىستىرعىشتارى بولۋى شارت. سونداي-اق ەلەكترلى ساموكاتتاردا الدىڭعى فارالار مەن ارتقى شامدار بولۋى كەرەك. اينالاداعى ادامدارعا ءوزىنىڭ جاقىنداعانى تۋرالى ەسكەرتۋ جاساۋ ءۇشىن كولىكتىڭ بۇل تۇرىندە دىبىستىق قۇرىلعى بولۋى ماڭىزدى.
ساموكاتتى پايدالانۋ ەرەجەسى:
- قوزعالىس باعىتىنا جاقسىلاپ شولۋ جاساپ, ۇيالى تەلەفون نەمەسە باسقا گادجەتتەردى پايدالانباڭىز;
- كولىك قۇرالىن ەكى قولىڭىزبەن ۇستاڭىز, توقتايتىن بولساڭىز – اسىقپاعان ءجون;
- ەلەكترلى ساموكاتتى قاراڭعى, تار جانە كەدەرگىلەرى بار جەردە قولدانباعانىڭىز ابزال;
- كولىك كوپ جۇرەتىن جەرلەر مەن ادامدار جينالاتىن ورىنداردان اۋلاق بولىڭىز;
- ەلەكترلى ساموكاتتى قولدانۋ كەزىندە باسىڭىزدى, بىلەك پەن شىنتاعىڭىزدى جانە تىزەڭىزدى قورعايتىن قۇرالداردى ۇمىتپاڭىز;
- جۇك پەن جولاۋشىلاردى تاسىمالداۋعا بولمايتىنىن ەستەن شىعارماڭىز;
- جول ءجۇرىسى قاعيدالارىن ساقتاي وتىرىپ, ءوز تراەكتورياڭىز بەن قوزعالىس جىلدامدىعىڭىزدى تاڭداپ الىڭىز;
- جاياۋ جۇرگىنشىگە نەمەسە ۆەلوسيپەدشىگە ءوزىڭىزدىڭ جاقىنداعانىڭىز تۋرالى حابار بەرىڭىز;
- جاياۋ جۇرگىنشىلەر وتكەلىنەن كولىك قۇرالىنان ءتۇسىپ ءوتىڭىز.
ءىىم جولاۋشىلاردى ساق بولۋعا شاقىردى.
«ەلەكترلى ساموكاتتى ۇنەمى تەحنيكالىق تەكسەرۋدەن وتكىزىپ تۇرۋ كەرەك. جولدا ساق بولىڭىزدار», دەلىنگەن حابارلامادا.
