مەملەكەتتەر باسشىلارى احقو-داعى حالىقارالىق سوتتىڭ جۇمىسىمەن تانىستى. «استانا» حالىقارالىق قارجى ورتالىعى سوتىنىڭ تىركەۋشىسى جانە اپپارات جەتەكشىسى كريستوفەر كەمپبەلل-حولت ورتالىق ازياداعى اعىلشىن قۇقىعى نورمالارى مەن قاعيداتتارىنا نەگىزدەلگەن ەڭ العاشقى سوت جۇيەسى تۋرالى باياندادى. ول سوتتىڭ احقو-داعى ازاماتتىق جانە كوممەرتسيالىق داۋلاردى شەشۋ ءۇشىن ەڭ ۇزدىك حالىقارالىق ستاندارتتار بويىنشا جۇمىس ىستەيتىنىن جەتكىزدى.
بۇدان كەيىن قاسىم-جومارت توقاەۆ پەن يلحام اليەۆ ورتالىقتىڭ قارجىلىق قىزمەت كورسەتۋدى رەتتەۋ جونىندەگى كوميتەتىنىڭ, بيزنەستى دامىتۋ جونىندەگى توبىنىڭ, «احقو-داعى ۆەنچۋرلىق قارجىلاندىرۋ جانە تەحنولوگيالىق يننوۆاتسيالاردى دامىتۋ تۋرالى» تەح حابىنىڭ جۇمىسىمەن تانىستى.
سونىمەن قاتار ەكى ەل پرەزيدەنتتەرىنە ەكسپات ورتالىعىنىڭ «احقو-دا تىركەلگەن كومپانيالاردى ء«بىر تەرەزە» قاعيداتى بويىنشا قولداۋ قىزمەتى» تۋرالى مالىمەت بەرىلدى. «استانا» حالىقارالىق قارجى ورتالىعىنىڭ باسقارۋشىسى رەنات بەكتۇروۆ مەملەكەتتەر باسشىلارىنا احقو-نىڭ جۇمىسى تۋرالى باياندادى.
ءىس-شارا سوڭىندا ازەربايجان پرەزيدەنتى «استانا» حالىقارالىق قارجى ورتالىعىنىڭ قۇرمەتتى قوناقتار كىتابىنا قولتاڭبا قالدىردى.
