«استانادا تۇرعىندار سانى كۇن ساناپ كوبەيىپ كەلەدى. رەسمي تۇردە قالامىزدا 1 ملن 350 مىڭ ادام تۇرادى, 1,5 ملن-عا اقىرىنداپ جىلجىپ بارامىز. مىنە وسىعان بايلانىستى وزىنە ءتان پروبلەمالارى بار. ەڭ وزەكتى ماسەلەلەردىڭ ءبىرى - كوممۋنالدىق مەكەمەلەردىڭ جۇمىسى, ياعني جىلۋ, سۋ ماسەلەلەرى بار. سوڭعى اپتالار ىشىندە قالا تۇرعىندارى تاراپىنان سۋ ماسەلەسى ەرەكشە كوتەرىلىپ كەلەدى», دەدى جەڭىس قاسىمبەك.
قالا باسشىسى ءسوزىن جالعاي وتىرىپ, اتالعان ماسەلەلەرگە توقتالىپ ءوتتى.
«بىلتىر استانادا 3 ملن شارشى مەتر تۇرعىن ءۇي قولدانىسقا بەرىلدى. تيىسىنشە بۇل جىلۋمەن قامتۋ ماسەلەسىنىڭ شەشىلۋىن تالاپ ەتەدى. وسى ماقساتتا ءتيىستى جۇمىس ءجۇرىپ جاتىر. بيىل ەكى گاز جىلۋ ستانتسياسى ىسكە قوسىلادى. ول ەكى ستانتسيا 600 گيگاكالوريا جىلۋ بەرەدى. بۇل جۇمىستى تامىز ايىندا اياقتاۋدى جوسپارلاپ وتىرمىز. جەو-3-ءتىڭ ءبىرىنشى كەزەڭى بيىل اياقتالادى. ول - بەس قازاندىق. بۇل قوسىمشا 400 گيگاكالوريا جىلۋ بەرەدى. وسىلايشا 1000 گيگاكالوريا بولادى. بۇل الداعى ءۇش-ءتورت جىلعا جەتكىلىكتى بولادى», دەپ ءتۇسىندىردى جەڭىس قاسىمبەك.
اكىم ءوز سوزىندە سوڭعى ۋاقىتتا جۇرتشىلىق تاراپىنان ءجيى قوزعالعان سۋ ماسەلەسىنە ەرەكشە توقتالىپ ءوتتى.
«ەكىنشى ماسەلە - سۋ ماسەلەسى. بيىل سورعى-cۇزگى ستانتسياسىن قۇرلىسىن اياقتايمىز. بۇل قوسىمشا تاۋلىگىنە 100 مىڭ كۋب.مەتر سۋ بەرەتىن بولادى. قازىر 25 مىڭ كۋب.مەتر كولەمىندە جەتىسپەۋشىلىك بار. ول جەتىسپەۋشىلىكتىڭ ورنىن تولتىرىپ, قوسىمشا 75 مىڭ كۋب.مەتر سۋ بەرمەك. تيىسىنشە, الداعى ۋاقىتتا ەشقانداي شەكتەۋلەر بولمايدى. سۋ تولىق قىسىممەن بەرىلەتىن بولادى. بىراق قوسىمشا وسىنداي ۇلكەن نىسانداردىڭ قۇرىلىسىن باستاۋىمىز كەرەك», دەدى اكىم.
