بۇعان دەيىن ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا اتىراۋ مۇناي وڭدەۋ زاۋىتىنداعى ءتۇتىن مەن «اق جايىق» قورىعىنداعى قامىستىڭ ورتەنۋىن سىني جاعداي تۋعىزعان توتەنشە جاعداي دەپ اتاعان ەدى.
2023 جىلعى 2 ساۋىردە اتىراۋ وبلىسىنىڭ توتەنشە جاعدايلار دەپارتامەنتى دامبى اۋىلىنان 30 شاقىرىم جەردە ورنالاسقان اق جايىق اۋماعىندا قامىس ورتەنگەنى تۋرالى حابارلادى.
رەسمي مالىمەت بويىنشا, جالپى ءورت اۋماعى 89,5 گەكتاردى قۇرادى. باسقا ەلدى مەكەنگە تارالۋ قاۋپى انىقتالعان جوق.
Air.kz سايتىنىڭ حابارلاۋىنشا, 3 ساۋىردە ارتىق لاستاۋشى زاتتار تابىلعان جوق. ول كەزدەگى جەلدىڭ باعىتى شىعىستان, قالاعا قاراي سوققان. ءدال سول كۇنى ەكولوگيا دەپارتامەنتىنىڭ ماماندارى دامبا ەلدى مەكەنىندە اتموسفەرالىق اۋاعا مونيتورينگ جۇرگىزگەن.
