جەتىسۋ وبلىسى بويىنشا مەملەكەتتىك كىرىستەر دەپارتامەنتى «نۇر جولى» كەدەن بەكەتىندە جەكە تۇلعالاردىڭ قولما-قول شەتەل ۆاليۋتاسىن دەكلاراتسيالاماۋ فاكتىلەرىن انىقتاۋ بويىنشا تۇراقتى جۇمىس جۇرگىزىپ جاتىر.
«نۇر جولى» كەدەن بەكەتىنىڭ قىزمەتكەرلەرى قورعانىس كەشەنىنىڭ شەكارالىق باقىلاۋ قىزمەتكەرلەرىمەن بىرلەسىپ, قازاقستان رەسپۋبليكاسىنان قىتاي حالىق رەسپۋبليكاسىنا شىعۋدىڭ اكىمشىلىك زالىندا 15 كۇن ىشىندە شەتەل ۆاليۋتاسىن تاسىمالداۋعا تىرىسۋدىڭ 5 فاكتىسىن انىقتادى.
قىتاي حالىق رەسپۋبليكاسىنىڭ ازاماتىنان 16 ناۋرىزدا 10 000 اقش دوللارى, 1100 يۋان جانە 73,5 مىڭ تەڭگە سوماسىندا دەكلاراتسيالانباعان قاراجات انىقتالدى.
سول سياقتى, 18 ناۋرىز كۇنى تاجىكستان ازاماتى 11 875 اقش دوللارىن, ال 25 ناۋرىز كۇنى قىتاي رەسپۋبليكاسىنىڭ ازاماتتارى 5 ملن تەڭگە, 416 يۋان جانە 1,7 ملن تەڭگە جانە 14 500 اقش دوللارىن دەكلاراتسيالاماعانى انىقتالدى.
ءساۋىردىڭ باسىندا قىتاي ازاماتى 15 500 اقش دوللارىن دەكلاراتسيالاماي الىپ وتپەك بولدى.
بارلىق فاكتىلەر بويىنشا اكىمشىلىك ماتەريالدار تولتىرىلدى.
«جەتىسۋ وبلىسى بويىنشا مەملەكەتتىك كىرىستەر دەپارتامەنتى قازاقستان رەسپۋبليكاسى پرەزيدەنتىنىڭ 2022 جىلعى 14 ناۋرىزداعى №830 جارلىعىنا سايكەس, قازاقستان رەسپۋبليكاسىنىڭ ۇلتتىق بانكى اكەتۋ كۇنىنە بەلگىلەنگەن باعام بويىنشا ەسەپتەلگەن جانە 10 000 (ون مىڭ) اقش دوللارى بالاماسىنان اساتىن سوماداعى قولما-قول شەتەل ۆاليۋتاسىن جانە (نەمەسە) شەتەل ۆاليۋتاسىنداعى اقشا قۇرالدارىن اكەتۋگە تىيىم سالىنعان ەسكە سالادى», دەلىنگەن حابارلامادا.
