كەشە حالىقارالىق ۇستەل تەننيسى فەدەراتسياسى (ITTF) جەرلەستەرىمىز – دەنيس جولۋدەۆ/ساعىنتاي قۇرمامباەۆ جانە زاۋرەش اقاشەۆا/اناستاسيا لاۆروۆانىڭ جۇپتىق سىندا باق سىنايتىنىن حابارلادى.
قاڭتار ايىندا دوحادا (قاتار) وتكەن ازيا قۇرلىعىنىڭ ىرىكتەۋ كەزەڭىندە ۇزدىك شىققان ۇلتتىق قۇراما وكىلدەرىنەن كيريلل گەراسيمەنكو (جەكەلەي جانە جۇپتىق سىندا), الان قۇرمانعاليەۆ (جۇپتىق سىن), ايدوس كەنجەعۇلوۆ (ارالاس جۇپتىق سىن), زاۋرەش اقاشەۆا (ارالاس جۇپتىق سىن) جىلدىڭ باستى باسەكەسىنە جولداما جەڭىپ العان بولاتىن.
بيىلعى الەم چەمپيوناتى 20-28 مامىر ارالىعىندا وتەدى. بۇل –1939 جىلدان كەيىن افريكا قۇرلىعىندا وتەتىن العاشقى الەم چەمپيوناتى. وسىمەن 57-رەت ۇيىمداستىرىلاتىن الەمدىك دودادا جالپى بەس جۇلدە جيىنتىعى ساراپقا سالىنادى.
