قازاقستان تەننيس فەدەراتسياسىنىڭ ءباسپاسوز قىزمەتى ءمالىم ەتكەنىندەي, ەلىمىزدىڭ جاسوسپىرىمدەر قۇراماسى توپتىق كەزەڭدە ءساتتى ونەر كورسەتىپ, شيرەك فينالعا جولداما الدى. سەرگەي كۆاك شاكىرتتەرى توپتىق سايىستىڭ العاشقى ەكى ويىنىندا يوردانيا مەن سينگاپۋر قۇرامالارىن جەڭگەنىمەن, سوڭعى تۋردا اۋسترالياعا ەسە جىبەردى – 3:0.
ال ىرىكتەۋ ءتۋرنيرىنىڭ شيرەك فينالىندا جاپونيا تەننيسشىلەرىمەن شەبەرلىك بايقاسقان جەرلەستەرىمىز بۇل ويىندا دا قارسىلاستارىنا جول بەرىپ (2:0), چەحيانىڭ پروستەەۆ قالاسىندا وتەتىن الەم چەمپيوناتىنىڭ جولداماسىنان قاعىلدى. بىلتىر ءدال وسى جاس ساناتىنداعى قازاقستان قۇراماسى العاش رەت الەم چەمپيوناتىنىڭ فينالدىق كەزەڭىندە ويناپ, ءتورتىنشى ورىنعا تابان تىرەگەن بولاتىن.
