ارالاس سايلاۋ جۇيەسى بويىنشا سايلانعان 42 دەپۋتات VIII شاقىرىلىمداعى قالالىق ءماسليحاتتىڭ ءبىرىنشى سەسسياسى بارىسىندا تۇراقتى كوميسسيالار بويىنشا ءبولىندى. ايتا كەتۋ كەرەك, 2004 جىلدان بەرى العاش رەت دەپۋتاتتاردىڭ 50%-ى پارتيالىق تىزىمدەر بويىنشا, قالعان 50%-ى ماجوريتارلىق جۇيە بويىنشا سايلاندى.
سەسسيا جۇمىسىن اشا وتىرىپ, الماتى قالاسى بويىنشا اۋماقتىق سايلاۋ كوميسسياسىنىڭ توراعاسى ايگۇل قالىقوۆا VIII شاقىرىلىمداعى الماتى قالاسى ءماسليحاتى دەپۋتاتتارىنىڭ كۋالىكتەرى مەن توسبەلگىلەرىن تاپسىرۋ ءراسىمىن وتكىزدى.
ءبىرىنشى سەسسيا بارىسىندا ءماسليحات توراعاسى جانە جاڭادان قۇرىلعان تۇراقتى كوميسسيالاردىڭ توراعالارى سايلاندى. وسىلايشا, «AMANAT» پارتياسى فراكتسياسىنىڭ ۇسىنىسى نەگىزىندە VIII شاقىرىلىمداعى الماتى ءماسليحاتىنىڭ توراعاسى بولىپ مەيىرجان وتىنشيەۆ سايلاندى.
سونىمەن قاتار سايلاۋ كوميسسياسى «قازاقستانداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» زاڭىنا سايكەس «AMANAT» پارتياسىنىڭ فراكتسياسى تىركەلىپ, ونىڭ باسشىسى بولىپ ستانيسلاۆ كانكۋروۆ سايلانعانى تۋرالى حابارلاما جاسادى.
سونداي-اق داۋىس بەرۋ ناتيجەسىندە تۇراقتى كوميسسيالاردىڭ باسشىلارى انىقتالدى:
- ەكونوميكا, قارجى, اكتيۆتەر, مەملەكەتتىك باسقارۋدى دامىتۋ جانە قوعامدىق قاۋىپسىزدىك جونىندەگى كوميسسيا, توراعاسى – نابيەۆ ءامىرجان ءامىرجان ۇلى.
- قۇرىلىس, ساۋلەت, ۋربانيستيكا جانە جەر قاتىناستارى جونىندەگى كوميسسيا, توراعاسى – شوقانوۆ نۇرسۇلتان نۇرلان ۇلى.
- كوممۋنالدىق ينفراقۇرىلىم, ەنەرگەتيكا, سۋمەن جابدىقتاۋ جانە قالالىق موبيلدىلىك جونىندەگى كوميسسيا, ءتورايىمى – ومىرباەۆا زاۋرەش ابىلعوجاقىزى.
- كاسىپكەرلىك, ينۆەستيتسيالار, تۋريزم جانە ەكولوگيا جونىندەگى كوميسسيا, توراعاسى – يدريسوۆ رۋسلان راشيتوۆيچ.
- قوعامدىق دامۋ, مادەنيەت, سپورت, ءدىن جانە جاستار جونىندەگى كوميسسيا, ءتورايىمى – اقانوۆا ءاسيا ايقانقىزى.
- دەنساۋلىق ساقتاۋ, ءبىلىم جانە جۇمىسپەن قامتۋ جونىندەگى كوميسسيا, توراعاسى - قوداسباەۆ المات تۇرىسبەك ۇلى.
ءبىر مانداتتى وكرۋگتەردى ەسكەرە وتىرىپ, 24 مانداتپەن «AMANAT» پارتياسى باسىمدىققا يە بولدى. «Respublica» پارتياسىندا 5 ماندات, «قازاقستان حالىق پارتياسى» مەن «BAYTAQ» پارتيالارىندا ءۇش مانداتتان بار. «اق جول» پارتياسى 2 مانداتتى السا, پارتيالىق ەمەس دەپۋتاتتار 5 مانداتقا يە بولدى.
ءماسليحات دەپۋتاتتارىنىڭ قۇرامىن جاڭارتۋ 66,7% قۇرادى. ايەلدەر, جاستار جانە مۇمكىندىگى شەكتەۋلى جاندار سانى 38,1% قۇرادى. ۇلتتىق قۇرامى بويىنشا: قازاقتار – 78,6%, ورىستار – 7,1%, كارىستەر – 4,8%, ۇيعىرلار – 4,8%, تاتارلار – 2,4%, ۋكرايندار – 2,4%.
