ماڭىزدى ىستەر كۇتىپ تۇر

اتاپ ايتقاندا, ازاماتتاردىڭ ءومىر ءسۇرۋ ساپاسىن ارتتىرۋ جانە ءال-اۋقاتىن جاقسارتۋ, ءبىلىم بەرۋ, الەۋ­مەت­تىك ساياسات پەن دەنساۋلىق ساقتاۋ سالا­سىنداعى رەفورمالاردى ءتيىمدى ىسكە اسىرۋ, زامان تالابىنا ساي ادى­لەتتى دەموكراتيالىق مەملەكەت ينستيتۋتىن قالىپتاستىرۋ باعىتىندا العا قويعان ماقسات-مىندەتتەردى اتقا­رۋ بويىنشا قىرۋار جۇمىستار كۇ­تىپ تۇر.

پارلامەنتكە وتكەن التى پارتيا­نىڭ وكىلدەرى وزدەرىنىڭ سايلاۋالدى باعدارلامالارى مەن حالىققا بەرگەن ۋادە­لەرىندە جوعارىدا اتالعان ەلدەگى جالپى الەۋمەتتىك-ەكونوميكالىق ماسەلەلەردى شەشۋدىڭ ءتۇرلى جولدارىن كورسەتكەن بولاتىن. وسى ورايدا ءار پارتيانىڭ وزدەرىنىڭ سايلاۋالدى باعدارلامالارىنىڭ ورىندالۋ ساپاسى قازاقستاندىق قوعامدا سايلاۋشىلار تاراپىنان قاتال قادا­عا­لانادى. بۇل ءوز كەزەگىندە وسى مەر­زىم­گە سايلانعان دەپۋتاتتاردىڭ قو­عام­دىق-ساياسي ومىردەگى بەلسەندىلىگى نەمەسە وزدەرىنىڭ باعدارلامالارى مەن ۋادەلەرىن ورىنداماۋى ءسوزسىز ءبىرىنشى كەزەكتە پارتيانىڭ بەدەلىنە, ياعني ونىڭ كەلەسى ەلەكتورالدى كەزەڭگە ءوتۋ-وتپەۋىنە تىكەلەي اسەرىن تيگىزەدى. سوندىقتان التى پارتيادان سايلاۋعا تۇسكەن دەپۋتاتتار ءۇشىن بۇل كەزەڭ حا­لىق الدىندا بارىنشا كوزگە ءتۇسىپ, ەل­دىڭ دامۋىندا ءوزىنىڭ بارىنشا ۇلە­سىن قوساتىن مۇمكىندىككە تولى سىناق مەرزىمى بولاتىنى انىق.

نۇركەن ايتىمبەتوۆ,

فيلوسوفيا, ساياساتتانۋ جانە ءدىنتانۋ ينستيتۋتىنىڭ

جەتەكشى عىلىمي قىزمەتكەرى, PhD