ەڭ قىمبات فۋتبولشىلار تىزىمىندە فرانتسيا ۇلتتىق قۇراماسى مەن پسج كلۋبىنىڭ شابۋىلشىسى كيليان مباپپە 180 ملن ەۋرومەن كوش باستاپ تۇر. ال شارتتى قۇرامنىڭ جالپى قۇنى 1,17 ملرد ەۋروعا باعالانعان.
قاقپاشىلار اراسىندا الەمنىڭ ەڭ قىمبات فۋتبولشىسى دەپ بەلگيا قۇراماسى مەن ءمادريدتىڭ «رەال» كلۋبىنىڭ ويىنشىسى تيبو كۋرتۋا تانىلدى. قازىرگى تاڭدا ونىڭ ترانسفەردەگى نارقى 60 ملن ەۋروعا باعالانىپ وتىر. قورعاۋشىلار ۇشتىگىندە حورۆاتيالىق يوشكو گۆارديول («رب لەيپتسيگ») مەن رۋبەن دياش («مانچەستەر سيتي») 75 ملن ەۋرومەن ۇزدىكتەر قاتارىنا جايعاسقان. سونداي-اق 70 ملن ەۋروعا باعالانعان نيلەرلاند وكىلى ماتتەيس دە ليگت تە («باۆاريا») قىمبات قورعاۋشىلار تىزىمىنەن ورىن العان.
جارتىلاي قورعاۋشىلاردىڭ ىشىندە 23 جاستاعى برازيليالىق ۆينيسيۋس جۋنيوردىڭ («رەال» مادريد) قۇنى شارىقتاپ تۇر – 120 ملن ەۋرو. ودان كەيىنگى ورىندارعا انگليا قۇراماسىنىڭ ويىنشىلارى – دجۋد بەللينگەم («بورۋسسيا») مەن فيليپ فودەن («مانچەستەر سيتي», 110 ملن ەۋرو), يسپانيالىق پەدري («بارسەلونا») جانە گەرمانيالىق دجامال مۋسيالا («باۆاريا», 100 ملن ەۋرو) جايعاسقان.
فرانتسيالىق كيليان مباپپەدەن 10 ملن ەۋروعا ارزان باعالانعان نورۆەگيالىق شابۋىلشى ەرلينگ حولاند («مانچەستەر سيتي») 170 ملن ەۋرومەن الەمنىڭ شارتتى قۇراماسىنىڭ قاتارىنان تابىلدى.
